માંડવી ધર્મપરિવર્તન વિવાદ: ‘વેરભાવથી ફસાવ્યા છે’, પાદરી પરિવારે હાઈકોર્ટમાં કરી અરજી

સુરત જિલ્લાના માંડવીમાં ચકચારી બનેલા ધર્મપરિવર્તન વિવાદમાં હવે નવો વળાંક આવ્યો છે. આ કેસમાં ફસાયેલા પાદરી પરિવારે પોતાની સામેની FIR રદ કરવા માટે ગુજરાત હાઈકોર્ટમાં ધા નાખી છે.

1. હાઈકોર્ટમાં શું કરી રજૂઆત?

એડવોકેટ ઉત્કર્ષ દવે મારફતે દાખલ કરાયેલી અરજીમાં પરિવારે ગંભીર આક્ષેપો કર્યા છે:

• આ આખો કેસ “વેરભાવ અને પૂર્વઆયોજિત” હોવાનો દાવો કરાયો છે.

• એક અંગત વિવાદને ધર્મપરિવર્તનનું રૂપ આપી આખા પરિવારને હેરાન કરવામાં આવી રહ્યો છે.

• પોલીસ તપાસમાં જિલ્લા મેજિસ્ટ્રેટની પૂર્વ મંજૂરી લેવામાં આવી નથી, જે કાયદેસર રીતે અનિવાર્ય છે.

2. કેસની શરૂઆત કેવી રીતે થઈ?

આ વિવાદની શરૂઆત મે 2025માં થઈ હતી:

• એક મહિલાએ ડૉ. અંકિત ચૌધરી વિરુદ્ધ છેતરપિંડી અને શારીરિક સંબંધ બાંધવાની ફરિયાદ કરી હતી.

• ત્યારબાદ પોલીસે આ કેસમાં ગુજરાત ધર્મ સ્વાતંત્ર્ય અધિનિયમની કલમો ઉમેરી હતી.

• ડૉક્ટરના માતા-પિતા, બહેનો અને મિત્રોને પણ આરોપી બનાવવામાં આવ્યા છે.

3. પાદરી અને ટ્રસ્ટ સામેના આક્ષેપો

પોલીસ તપાસ મુજબ, ડૉ. અંકિતના પિતા રામજીભાઈ ચૌધરી ખ્રિસ્તી ધર્મમાં ‘પાસ્ટર’ તરીકે કાર્યરત છે:

• તેઓ પીપલવાડા સરકારી પ્રાથમિક શાળામાં આચાર્ય પણ છે.

• તેમણે 2014માં ‘ધી પ્રે ફોર એવરલાસ્ટિંગ લાઈફ ચેરિટેબલ ટ્રસ્ટ’ની સ્થાપના કરી હતી.

• ફરિયાદ મુજબ, મહિલા સામે શરત મૂકવામાં આવી હતી કે જો તે પરિવારનું ધર્મપરિવર્તન કરાવે તો જ લગ્ન થશે.

4. શું છે પરિવારની માગ?

અરજદારોએ હાઈકોર્ટ પાસે નીચે મુજબની રાહત માંગી છે: ફરિયાદમાં કરવામાં આવેલા આક્ષેપો મુજબ, માંડવીમાં દવાખાનું ચલાવતા ડો. અંકિત રામજીભાઈ ચૌધરી(ઉં.વ. 30)એ પતિની સારવાર માટે આવતી એક મહિલાને કથિત રીતે નિશાન બનાવી હતી. જેમાં એવો આક્ષેપ છે કે, ડૉક્ટરે મહિલાને પ્રેમજાળમાં ફસાવી તેની સાથે શારીરિક સંબંધો બાંધ્યા હતા. ત્યારબાદ તેણે મહિલા સામે એવી શરત મૂકી હોવાનું કહેવાય છે કે જો તે તેના આખા પરિવારનું ધર્મપરિવર્તન કરાવે તો જ તે તેની સાથે લગ્ન કરશે. આ ઘટનાઓ બાદ મહિલાએ 16 મે 2025ના રોજ માંડવી પોલીસ સ્ટેશનમાં ડૉ. અંકિત વિરુદ્ધ ફરિયાદ નોંધાવી હતી. પોલીસ તપાસ દરમિયાન ડૉ. અંકિતના પિતા રામજીભાઈ ડુબલભાઈ ચૌધરી (ઉં.વ. 56)ની સંડોવણી પણ બહાર આવી હોવાનો દાવો કરાયો છે. એવો દાવો છે કે, રામજીભાઈ પીપલવાડા સરકારી પ્રાથમિક શાળામાં આચાર્ય છે અને ખ્રિસ્તી ધર્મમાં ‘પાસ્ટર’ તરીકે પણ કાર્યરત છે. વધુમાં એવો પણ આક્ષેપ છે કે, વર્ષ 2014માં તેમણે ‘ધી પ્રે ફોર એવરલાસ્ટિંગ લાઈફ ચેરિટેબલ ટ્રસ્ટ’ની સ્થાપના કરી હતી, જેના તેઓ હાલ પ્રમુખ છે.

• તેમની સામેની FIR અને તમામ કાર્યવાહી રદ કરવામાં આવે.

• જ્યાં સુધી અરજીનો આખરી નિકાલ ન આવે ત્યાં સુધી પોલીસ તપાસ પર સ્ટે (રોક) લગાવવામાં આવે.

• કાયદાકીય પ્રક્રિયામાં રહેલી ક્ષતિઓને ધ્યાને લઈ ન્યાય આપવામાં આવે.