જો તમે ચશ્મા પહેરો છો, તો તેને યોગ્ય રીતે સાફ કરવા ખૂબ જ જરૂરી છે. ગંદા ગ્લાસને કારણે માત્ર જોવામાં તકલીફ નથી પડતી, પરંતુ આંખો પર પણ તેની નકારાત્મક અસર થાય છે. મોટાભાગના લોકો ટી-શર્ટ કે રૂમાલથી ગ્લાસ સાફ કરે છે, જે બિલકુલ ખોટી રીત છે.
ચશ્મા સાફ કરવાની સ્ટેપ-બાય-સ્ટેપ રીત
તમારા ચશ્માને નુકસાન પહોંચાડ્યા વગર સાફ કરવા માટે આ સ્ટેપ્સ ફોલો કરો:
-
હાથ સાફ કરો: સૌથી પહેલા તમારા હાથને સાબુથી ધોઈને બરાબર સૂકવી લો.
-
હૂંફાળું પાણી: ચશ્માને હળવા હૂંફાળા પાણી નીચે રાખો. તેનાથી ધૂળના કણો નીકળી જશે.
-
ક્લીનરનો ઉપયોગ: લેન્સ પર ‘લેન્સ ક્લીનર’નું એક ટીપું નાખો. જો ક્લીનર ન હોય, તો માઈલ્ડ લોશન-ફ્રી ડિશ સોપનો ઉપયોગ કરી શકાય.
-
હળવા હાથે સાફ કરો: લેન્સ અને ફ્રેમના દરેક ભાગને હળવા હાથે ઘસો.
-
પાણીથી ધોઈ લો: ફરીથી સાફ પાણી વડે ચશ્મા ધોઈ લો જેથી ક્લીનરના અંશ ન રહે.
-
માઈક્રોફાઈબર કપડું: હવે ચશ્માને સૂકવવા માટે માત્ર ‘માઈક્રોફાઈબર’ કપડાનો જ ઉપયોગ કરો.
આ ભૂલો ક્યારેય ન કરો
-
શર્ટ કે દુપટ્ટાનો ઉપયોગ: કપડાના રેસા લેન્સ પર સ્ક્રેચ (ખરોંચ) પાડી શકે છે.
-
થૂંકનો ઉપયોગ: ઘણા લોકો થૂંકથી લેન્સ સાફ કરે છે, જે હાઈજીન અને લેન્સ બંને માટે ખરાબ છે.
-
ગમે ત્યાં ચશ્મા મૂકવા: ચશ્મા ઉતારીને હંમેશા તેને ‘હાર્ડ કેસ’ (બોક્સ) માં જ રાખો. તેનાથી તે તૂટતા બચશે.
ચશ્માની લાઈફ કેવી રીતે વધારવી?
તેને હંમેશા બંને હાથેથી પહેરવા અને ઉતારવા જોઈએ. જો તમે ઉપર જણાવેલી રીતથી ચશ્મા સાફ કરશો, તો તમારા લેન્સ લાંબા સમય સુધી નવા જેવા ચમકતા રહેશે.
