નેશનલ હાઈવે પર મુસાફરી કરતા વાહનચાલકો માટે મહત્વના સમાચાર છે. કેન્દ્ર સરકારે FASTag એન્યુઅલ પાસની કિંમતમાં વધારો કરવાની જાહેરાત કરી છે. આ નવો નિયમ આગામી 1 એપ્રિલ, 2026 થી લાગુ થશે.
કેટલો વધારો થયો?
સરકારે FASTag એન્યુઅલ પાસના દરમાં 2.5 ટકાનો વધારો કર્યો છે.
-
જૂનો દર: 3000 રૂપિયા
-
નવો દર: 3075 રૂપિયા
જો તમે 1 એપ્રિલ પહેલા પાસ ખરીદશો, તો તમારે જૂના દરે એટલે કે 3000 રૂપિયા જ ચૂકવવા પડશે.
પાસના મુખ્ય ફાયદા અને નિયમો
માર્ગ પરિવહન મંત્રાલય દ્વારા શરૂ કરાયેલા આ પાસની વિશેષતાઓ નીચે મુજબ છે:
-
ટ્રિપ લિમિટ: આ પાસ હેઠળ વાર્ષિક 200 ટ્રિપ કરી શકાય છે.
-
વેલિડિટી: આ પાસ એક વર્ષ માટે માન્ય ગણાય છે.
-
ક્યાં ઉપયોગ થશે: નેશનલ હાઈવે અને એક્સપ્રેસ-વે પર કોઈ પણ વધારાના ચાર્જ વગર મુસાફરી કરી શકાશે.
-
એક્ટિવેશન: NHAI પોર્ટલ અથવા ‘Rajmargyatra’ એપ દ્વારા માત્ર 3 દિવસમાં પાસ એક્ટિવ કરી શકાય છે.
52 લાખ વાહનચાલકો પર અસર
આ નવા વધારાની સીધી અસર દેશના અંદાજે 52 લાખ લોકો પર પડશે. જોકે, સરકારે સ્પષ્ટ કર્યું છે કે દર વર્ષે ટોલ ફીના ફોર્મ્યુલા મુજબ આ કિંમતોમાં ફેરફાર કરવામાં આવે છે. જો તમારી 200 ટ્રિપ વર્ષ પહેલા પૂરી થઈ જાય, તો તમારે ફરીથી પાસ રિચાર્જ કરાવવો પડશે.
