અમદાવાદના થલતેજ માં એક શ્રમજીવી પરિવારમાં માત્ર 200 રૂપિયાની માંગણી બાબતે થયેલા ઝઘડાએ લોહિયાળ સ્વરૂપ ધારણ કર્યું. પતિએ પોતાના બે માસૂમ બાળકોની હાજરીમાં જ પત્નીના પેટમાં છરી ઝીંકી દીધી હતી. જાણો આ ચોંકાવનારી ઘટનાની વિગતો.
માત્ર ₹200 માટે ઉશ્કેરાયો પતિ
ઘટના 31 માર્ચની બપોરે થલતેજ વિસ્તારમાં બની હતી. આરોપી પતિ ધીરજે તેની પત્ની પાસે 200 રૂપિયા માંગ્યા હતા. પત્નીએ પૈસા આપવાની ના પાડતા ધીરજ એકદમ ઉશ્કેરાઈ ગયો હતો. તેણે પત્નીના વાળ પકડીને બેરહેમીથી માર મારવાનું શરૂ કર્યું હતું. આ દ્રશ્ય જોઈને ઘરમાં હાજર 10 વર્ષનો અને 3 વર્ષનો પુત્ર ડરના માર્યા રડવા લાગ્યા હતા.
બાળકોની નજર સામે જ પત્ની પર હુમલો
ગુસ્સામાં પાગલ થયેલા પતિએ પત્નીના પેટમાં છરીના ઘા ઝીંકી દીધા હતા. લોહીલુહાણ હાલતમાં પત્ની જમીન પર ઢળી પડી હતી.
-
બહાદુર પુત્રની સૂઝબૂઝ: પિતાએ 10 વર્ષના પુત્રને ધમકી આપી હતી કે જો એમ્બ્યુલન્સ બોલાવી તો જાનથી મારી નાખીશ.
-
તેમ છતાં, પુત્રએ હિંમત બતાવી પિતાથી છૂપાઈને મદદ માટે ફોન કર્યો હતો.
-
આસપાસના લોકો ભેગા થતા જ આરોપી પતિ ધીરજ ત્યાંથી ફરાર થઈ ગયો હતો.
પરિણીતા સોલા સિવિલમાં સારવાર હેઠળ
હાલમાં પરિણીતા હોસ્પિટલમાં સારવાર હેઠળ છે. સમગ્ર મામલે પરિણીતાએ હોસ્પિટલમાં પોલીસ સમક્ષ નિવેદન આપ્યું હતું. જેના આધારે બોડકદેવ પોલીસે ફરાર આરોપી પતિ વિરુદ્ધ જીવલેણ હુમલો અને મારામારીનો ગુનો દાખલ કરીને કાયદેસરની તપાસ હાથ ધરી છે.
પોલીસ કાર્યવાહી અને તપાસ
પરિણીતાના નિવેદનના આધારે બોડકદેવ પોલીસે ફરાર પતિ વિરુદ્ધ જીવલેણ હુમલો અને મારામારીનો ગુનો દાખલ કર્યો છે. પોલીસ હાલમાં ફરાર આરોપીને પકડવા માટે ચક્રો ગતિમાન કર્યા છે.
