NEET પેપર લીક મુદ્દે દેશનું રાજકારણ ગરમાયું છે. PM નિવાસસ્થાન બહાર ધરણાં બાદ હિરાસતમાંથી મુક્ત થયેલા રાહુલ ગાંધીએ પ્રેસ કોન્ફરન્સ કરી હતી.
તેમણે કાળી પટ્ટી બાંધીને સરકાર પર પ્રહારો કર્યા હતા. તેમણે કહ્યું કે દેશની શિક્ષણ વ્યવસ્થા પૂરી રીતે કથળી ગઈ છે.
૧. ‘NEET નો ખર્ચ દેશના શિક્ષણ બજેટથી પણ વધુ’
રાહુલ ગાંધીએ દેશના શિક્ષણ બજેટના આંકડા રજૂ કર્યા હતા.
-
ભારત સરકારનું શિક્ષણ બજેટ ૧.૪ લાખ કરોડ રૂપિયા છે.
-
દેશના પરિવાર NEET પરીક્ષા પાછળ ૧.૩૨ લાખ કરોડ રૂપિયા ખર્ચે છે.
-
એક પરીક્ષાનો ખર્ચ દેશના કુલ શિક્ષણ બજેટ જેટલો થઈ ગયો છે.
૨. ૧૫૨ પેપર લીક, ૭.૫ કરોડ વિદ્યાર્થીઓને અસર
છેલ્લા ૧૦ વર્ષના આંકડા આપતા રાહુલ ગાંધીએ ગંભીર આરોપો લગાવ્યા હતા.
-
છેલ્લા ૧૦ વર્ષમાં દેશમાં ૧૫૨ પેપર લીક થયા છે.
-
દર મહિને સરેરાશ એક પેપર લીક થઈ રહ્યું છે.
-
આનાથી ૭.૫ કરોડ વિદ્યાર્થીઓ અને તેમના પરિવારને નુકસાન થયું છે.
-
આટલું બધું થયા પછી પણ કોઈ દોષિતને સજા મળી નથી.
૩. વિદ્યાર્થીઓ તરફથી રાહુલ ગાંધીની ૩ મુખ્ય માંગ
રાહુલ ગાંધીએ સરકાર સામે વિદ્યાર્થીઓની ૩ મુખ્ય માંગણીઓ મૂકી છે:
૧. શિક્ષણ મંત્રીનું રાજીનામું: ધર્મેન્દ્ર પ્રધાને દેશની શિક્ષણ વ્યવસ્થા નષ્ટ કરી છે, તેથી તેઓ રાજીનામું આપે. ૨. દોષિતો સામે સખત કાર્યવાહી: નિર્દોષ વિદ્યાર્થીઓ પર લાઠીચાર્જ કરનારાઓ સામે પગલાં લેવાય. ૩. PM મોદી માફી માગે: વડાપ્રધાને દેશના લાખો પીડિત વિદ્યાર્થીઓની માફી માગવી જોઈએ.
૪. ‘પોલીસે મને ઘસીટ્યો, પણ મને કોઈ ચિંતા નથી’
PM નિવાસસ્થાન બહાર થયેલા વિરોધ પ્રદર્શન અંગે પણ રાહુલ ગાંધીએ વાત કરી હતી.
-
તેમણે કહ્યું કે દિલ્હી પોલીસે તેમની સાથે આકરી વર્તણૂક કરી હતી.
-
વિરોધ દરમિયાન તેમને મોં પર ઈજા પણ પહોંચી હતી.
-
રાહુલ ગાંધીએ કહ્યું, “હું આ બધું સહન કરવા ટેવાયેલો છું. દેશના વિદ્યાર્થીઓ માટે આ બહુ નાની કિંમત છે.”
૫. શિક્ષણ મંત્રી ધર્મેન્દ્ર પ્રધાનનો વળતો પ્રહાર
બીજી તરફ કેન્દ્રીય શિક્ષણ મંત્રી ધર્મેન્દ્ર પ્રધાને પણ રાહુલ ગાંધી પર પલટવાર કર્યો છે.
તેમણે સોશિયલ મીડિયા પર લખ્યું કે રાહુલ ગાંધી સંસદના સત્ર દરમિયાન હંગામો કરવા માટે વિદ્યાર્થીઓનો રાજકીય હથિયાર તરીકે ઉપયોગ કરી રહ્યા છે. તેમણે PM નિવાસસ્થાન બહાર ધરણું કરીને સુરક્ષાના નિયમોનો ભંગ કર્યો છે.
