ઓપરેશન સિંદૂરના એક વર્ષ બાદ જયપુરમાં ત્રણેય સેનાઓની મહત્વની બેઠક: દુશ્મનોને મળશે કડક સંદેશ

ત્રણેય સેનાઓની મહત્વની બેઠક: જયપુરમાં આવતીકાલે ભારતીય સેના, વાયુસેના અને નૌસેનાના કમાન્ડરોની એક મહત્વની ‘જોઈન્ટ કમાન્ડર કોન્ફરન્સ’ યોજાવા જઈ રહી છે. ઓપરેશન સિંદૂરના એક વર્ષ પૂર્ણ થવાના અવસરે આ બેઠક મળી રહી છે, જેનો મુખ્ય હેતુ ભારતની વધતી જતી સૈન્ય તાકાતનું પ્રદર્શન કરવાનો છે.

કોણ-કોણ આપશે હાજરી?

આ હાઈ-લેવલ કોન્ફરન્સમાં દેશના ટોચના સૈન્ય અધિકારીઓ અને નેતાઓ હાજર રહેશે:

• રક્ષામંત્રી રાજનાથ સિંહ પટનાથી સીધા જયપુર પહોંચશે.

• ચીફ ઓફ ડિફેન્સ સ્ટાફ (CDS), નેશનલ સિક્યુરિટી એડવાઈઝર (NSA) અને ડિફેન્સ સેક્રેટરી પણ સામેલ થશે.

• લેફ્ટનન્ટ જનરલ રાજીવ ઘઈ, એર માર્શલ ભારતી અને વાઈસ એડમિરલ એ.એન. પ્રમોદ સંયુક્ત પ્રેસ કોન્ફરન્સને સંબોધશે.

આધુનિક યુદ્ધની રણનીતિ પર ચર્ચા

આ કોન્ફરન્સમાં ભવિષ્યની સૈન્ય તૈયારીઓ પર વિશેષ ભાર મૂકવામાં આવશે:

• હાઈ-ટેક વોરફેર: ડ્રોન ક્ષમતા, ફાઈટર એરક્રાફ્ટ અને વોરશિપમાં થયેલા વધારાની સમીક્ષા કરવામાં આવશે.

• ઇમરજન્સી પ્રોક્યોરમેન્ટ: સેનાને વધુ સશક્ત બનાવવા માટે આધુનિક મિસાઈલ અને રોકેટ સિસ્ટમ સામેલ કરવા પર ચર્ચા થશે.

• નેટવર્ક-સેન્ટ્રિક વોરફેર: ડેટા લિંક સિસ્ટમ અને આધુનિક યુદ્ધ ટેકનોલોજી પર ધ્યાન કેન્દ્રિત કરવામાં આવશે.

• ભવિષ્યની તૈયારી પર ફોકસ

  આ વખતે કોન્ફરન્સમાં ભવિષ્યની સૈન્ય તૈયારીઓ પર ખાસ ધ્યાન રહેશે.

  • ઈમરજન્સી પ્રોક્યુરમેન્ટ
  • ફાઇટર એરક્રાફ્ટ
  • વોરશિપ
  • ડ્રોન ટેક્નોલોજી
  • મિસાઇલ અને રૉકેટ સિસ્ટમ

ઓપરેશન સિંદૂરની સફળતા અને પાકિસ્તાનને સંદેશ

બરાબર એક વર્ષ પહેલા ‘ઓપરેશન સિંદૂર’માં ભારતે પાકિસ્તાનના એરબેઝ અને એર ડિફેન્સ સિસ્ટમને તોડી પાડી હતી. તે સમયે પાકિસ્તાનને ચીન અને તુર્કીનો સપોર્ટ હોવા છતાં ભારતે તેને ઘૂંટણિયે લાવી દીધું હતું. આ પ્રેસ કોન્ફરન્સ દ્વારા ભારત ફરી એકવાર દુશ્મનોને સ્પષ્ટ સંદેશ આપશે કે કોઈપણ દુસ્સાહસનો જડબાતોડ જવાબ આપવામાં આવશે.