ઈરાન અને ઈઝરાયલ વચ્ચેના યુદ્ધમાં હવે ઈઝરાયલનું એવું શહેર નિશાન બન્યું છે જેને ‘લિટલ ઈન્ડિયા’ તરીકે ઓળખવામાં આવે છે. શનિવારે ઈરાન દ્વારા કરવામાં આવેલા મિસાઈલ હુમલામાં દક્ષિણી શહેર ડિમોના (Dimona) માં ભારે નુકસાન થયું છે.
હુમલામાં 47 લોકો ઘાયલ
પ્રાપ્ત અહેવાલો મુજબ, આ હુમલામાં કુલ 47 લોકો ઘાયલ થયા છે. જેમાં એક 12 વર્ષનો છોકરો ગંભીર રીતે ઘાયલ થયો છે. મિસાઈલના ટુકડા પડવાને કારણે અનેક મકાનોને નુકસાન થયું છે. ઘણા લોકો શેલ્ટર તરફ દોડતી વખતે પડી જવાથી ઈજાગ્રસ્ત થયા છે.
શા માટે કહેવાય છે ‘લિટલ ઈન્ડિયા’?
ડિમોના શહેર તેની ખાસિયતોને કારણે ઈઝરાયલમાં ભારતની યાદ અપાવે છે:
-
ભારતીય વસ્તી: અહીં લગભગ 7,500 ભારતીય-યહૂદીઓ રહે છે, જે કુલ વસ્તીના 30 ટકા છે.
-
ભાષા: અહીંના લોકો સહજતાથી હિન્દી અને મરાઠીમાં વાતચીત કરે છે.
-
ખાન-પાન: અહીંની દુકાનોમાં જલેબી, ગુલાબજાંબુ, સોનપાપડી અને ભેળપુરીની સુગંધ આવે છે.
-
ક્રિકેટ: ભારતીયોની જેમ જ અહીં ક્રિકેટ રમત અત્યંત લોકપ્રિય છે.
પરમાણુ કેન્દ્ર સલામત
ડિમોના શહેર તેના પરમાણુ સંશોધન કેન્દ્ર માટે જાણીતું છે. ઈરાને દાવો કર્યો હતો કે તેણે પરમાણુ કેન્દ્રને નિશાન બનાવ્યું છે. જોકે, આંતરરાષ્ટ્રીય પરમાણુ ઉર્જા એજન્સી (IAEA) એ સ્પષ્ટ કર્યું છે કે પરમાણુ કેન્દ્રને કોઈ નુકસાન થયું નથી. મિસાઈલ એક કોમ્યુનિટી હોલ પર પડી હતી.
એર ડિફેન્સ સિસ્ટમ કેમ નિષ્ફળ ગઈ?
ઈઝરાયલની અત્યાધુનિક એર ડિફેન્સ સિસ્ટમ આ ઈરાની બેલેસ્ટિક મિસાઈલને રોકવામાં કેમ નિષ્ફળ રહી તેની તપાસ ચાલી રહી છે. આ હુમલા બાદ સમગ્ર વિસ્તારમાં ભયનો માહોલ છે અને લોકો સુરક્ષિત સ્થળોએ આશરો લઈ રહ્યા છે.
