આઈપીએલ (IPL) દરમિયાન ભારતીય ક્રિકેટ ટીમના સ્ટાર બેટ્સમેન રોહિત શર્મા ની ફિટનેસને લઈને સતત સવાલો ઉઠી રહ્યા છે. ચાહકો ચિંતિત છે કે શું ‘હિતમેન’ સંપૂર્ણ રીતે ફિટ છે? હવે આ તમામ સવાલોનો મુંબઈ ઇન્ડિયન્સના મુખ્ય કોચ મહેલા જયવર્ધનેએ સ્પષ્ટ જવાબ આપ્યો છે.
કોચે ફિટનેસ પર શું કહ્યું?
હેડ કોચ મહેલા જયવર્ધનેએ જણાવ્યું કે, “અમારા અને અમારી મેડિકલ ટીમના મતે રોહિત શર્મા ૧૦૦% ફિટ છે. હેમસ્ટ્રિંગની ઈજામાંથી પરત ફર્યા બાદ પ્રથમ મેચમાં અમે તેમને લઈને થોડા સાવધ હતા. હાલમાં તે ટીમ કમ્બિનેશનને ધ્યાનમાં રાખીને ‘ઇમ્પેક્ટ સબ’ (Impact Sub) તરીકે રમી રહ્યા છે. તે એક સાચા ટીમ પ્લેયર છે અને આ સ્થિતિને સારી રીતે સમજે છે.”
૩ અઠવાડિયા સુધી મેદાનથી બહાર હતા રોહિત
રિપોર્ટ્સ અનુસાર, આઈપીએલની ચાલુ સીઝનમાં રોહિત શર્મા હેમસ્ટ્રિંગની ઈજાના કારણે લગભગ ત્રણ અઠવાડિયા સુધી મેદાનથી દૂર રહ્યા હતા. આ સમય દરમિયાન તેમણે બીસીસીઆઈ (BCCI)ના સેન્ટર ઓફ એક્સેલન્સમાં રિપોર્ટ કર્યો ન હતો. આ બાબત બોર્ડ અને ટીમ મેનેજમેન્ટ માટે ચિંતાનો વિષય બની છે.
અફઘાનિસ્તાન સિરીઝમાં પસંદગી પણ ફિટનેસ શરતી
આઈપીએલ પૂરી થયા બાદ ભારતીય ટીમે અફઘાનિસ્તાન સામે ત્રણ મેચની વનડે (ODI) સિરીઝ રમવાની છે. આ સિરીઝ માટે જાહેર કરાયેલી ટીમમાં રોહિત શર્માનો સમાવેશ કરવામાં આવ્યો છે. જોકે, સિરીઝમાં તેમનું રમવું સંપૂર્ણપણે તેમની ફિટનેસ પર નિર્ભર રહેશે. જો તેઓ મેચ પહેલા ફુલ ફિટ નહીં હોય, તો તેમને પ્લેઈંગ ઈલેવનમાં તક નહીં મળે.
અફઘાનિસ્તાન સામેની વનડે સિરીઝ માટે ભારતીય ટીમ:
શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ અય્યર (વાઇસ કેપ્ટન), કે.એલ. રાહુલ, ઈશાન કિશન, હાર્દિક પંડ્યા, નીતિશ રેડ્ડી, વોશિંગ્ટન સુંદર, કુલદીપ યાદવ, અર્શદીપ સિંહ, પ્રિન્સ યાદવ, પ્રસિદ્ધ ક્રિષ્ના, ગુરનૂર બ્રાર અને હર્ષ દુબે.
MI HEAD COACH ON ROHIT SHARMA:
"According to me, according to our medical team, Rohit is 100% – After coming back from the hamstring injury, first game we were a bit cautious, now is playing as an Impact Sub just for the team combination. He is a team player, he perfectly… pic.twitter.com/xDMlqISIJ4
— Johns. (@CricCrazyJohns) May 23, 2026
