અમેરિકા અને ઈરાન વચ્ચે 14 દિવસના યુદ્ધવિરામની જાહેરાત બાદ પણ મિડલ ઈસ્ટમાં બોમ્બમારો ચાલુ છે. UAE અને કુવૈતે દાવો કર્યો છે કે સીઝફાયર છતાં ઈરાન સતત મિસાઈલ હુમલા કરી રહ્યું છે.
UAE અને કુવૈત પર મિસાઈલ હુમલા
ખાડીના દેશોમાં ચિંતા વધી છે. સંયુક્ત આરબ અમીરાત (UAE) ના એર ડિફેન્સે મિસાઈલ હુમલાને રોકવા માટે વળતી કાર્યવાહી કરી છે.
-
કુવૈત રક્ષા મંત્રાલયના જણાવ્યા અનુસાર, છેલ્લા કેટલાક કલાકોથી ઈરાન તરફથી હુમલા વધી રહ્યા છે.
-
કુવૈતી એર ડિફેન્સે 28 ઈરાની ડ્રોનને હવામાં જ તોડી પાડ્યા છે.
ઈરાનની ઓઈલ રિફાઈનરી પર વિસ્ફોટ
બીજી તરફ, ઈરાને દાવો કર્યો છે કે લાવન ટાપુ પર આવેલી તેની મુખ્ય ઓઈલ રિફાઈનરી પર હુમલો થયો છે.
-
સીઝફાયરની જાહેરાત બાદ તુરંત જ આ હુમલો થયો હતો.
-
અત્યારે ફાયર ફાઈટરો આગ પર કાબૂ મેળવવાનો પ્રયાસ કરી રહ્યા છે.
-
જોકે, આ હુમલામાં કોઈ જાનહાનિના સમાચાર નથી.
ઈરાની રાષ્ટ્રપતિનું નિવેદન
તણાવ વચ્ચે ઈરાનના રાષ્ટ્રપતિ મસૂદ પેજેશ્કિયાને જણાવ્યું કે આ યુદ્ધવિરામ આપણા શહીદોના લોહીનું પરિણામ છે. તેમણે કહ્યું કે હવે આપણે કૂટનીતિ અને રક્ષા ક્ષેત્રે સાથે મળીને આગળ વધીશું. પરંતુ જમીની હકીકત કંઈક અલગ જ ઈશારો કરી રહી છે.
