મોંઘવારીના જમાનામાં સામાન્ય માણસના ખિસ્સા પર વધુ એક બોજ પડવા જઈ રહ્યો છે. FMCG સેક્ટરની અગ્રણી કંપની બ્રિટાનિયા (Britannia) એ તેના સૌથી લોકપ્રિય બ્રાન્ડ ‘ગુડ-ડે’ (Good Day) બિસ્કિટના ભાવમાં ૮ થી ૯ ટકાનો વધારો કરવાનો નિર્ણય લીધો છે. ડિસ્ટ્રીબ્યુટર સૂત્રોના જણાવ્યા અનુસાર, હવે ગુડ-ડે બિસ્કિટના ફેમિલી પેક માટે ગ્રાહકોએ વધુ રૂપિયા ચૂકવવા પડશે.
કયો પેક કેટલો મોંઘો થયો? (New Rate List)
કંપની ગુડ-ડે બિસ્કિટના મોટા અને ફેમિલી પેકની કિંમતોમાં અંદાજે ૧૦ રૂપિયા સુધીનો વધારો કરવા જઈ રહી છે:
-
પિસ્તા બદામ બિસ્કિટ (૫૨૬ ગ્રામ): હવે રૂ. ૧૩૦ ના બદલે રૂ. ૧૪૦ માં મળશે.
-
બટર ફેમિલી પેક: હવે રૂ. ૧૨૦ માં મળશે.
-
કાજુ (Cashew) ફેમિલી પેક: હવે રૂ. ૧૩૦ માં મળશે.
૫ અને ૧૦ રૂપિયાવાળા પેકેટ પર શું અસર થશે?
રૂ. ૫ અને રૂ. ૧૦ વાળા નાના પેકેટની કિંમતોમાં સીધો વધારો કરવામાં નહીં આવે. તેની જગ્યાએ કંપની બિસ્કિટનું વજન (Grammage) ઓછું કરી શકે છે. એટલે કે ગ્રાહકોને તે જ કિંમતમાં હવે ઓછું બિસ્કિટ મળશે. કિંમતોમાં વધારાની સૌથી મોટી અસર પ્રીમિયમ અને મોટા ફેમિલી પેક પર જ જોવા મળશે.
બ્રિટાનિયા કેમ વધારી રહી છે ભાવ?
કંપનીના જણાવ્યા અનુસાર, કાચા માલ (કોમોડિટી) અને પેકેજિંગના ખર્ચમાં સતત વધારો થઈ રહ્યો છે. આ વધતા ખર્ચને પહોંચી વળવા માટે કંપનીએ કિંમતો વધારવાનો નિર્ણય લીધો છે. કંપની તેની કુલ કમાણીના ૭૦ થી ૭૫% ભાગ બિસ્કિટ વેચીને મેળવે છે. આમાં પણ એકલા ‘ગુડ-ડે’ બ્રાન્ડનું યોગદાન અંદાજે રૂ. ૩,૫૦૦ કરોડનું છે.
