રાજસ્થાન રોયલ્સ મેનેજર રોમી ભિંડર: IPL 2026 દરમિયાન નિયમોનું ઉલ્લંઘન એક મોટો મુદ્દો બન્યો જ્યારે રાજસ્થાન રોયલ્સ મેનેજર ડગઆઉટમાં ફોનનો ઉપયોગ કરવા બદલ દોષિત સાબિત થયા. મામલો એટલો વધી ગયો કે BCCI ને હસ્તક્ષેપ કરવો પડ્યો અને અંતે કડક કાર્યવાહી કરવામાં આવી. ગુવાહાટીના બારસાપારા સ્ટેડિયમમાં રમાયેલી રોયલ ચેલેન્જર્સ બેંગ્લોર સામેની મેચ દરમિયાન ડગઆઉટમાં ફોનનો ઉપયોગ કરવા બદલ રાજસ્થાન રોયલ્સ મેનેજર રોમી ભિંડરને BCCI દ્વારા 1 લાખ રૂપિયાનો દંડ ફટકારવામાં આવ્યો છે. જોકે, તેમને પ્રતિબંધમાંથી મુક્તિ આપવામાં આવી છે. BCCI સચિવ દેવજીત સૈકિયાએ હિન્દુસ્તાન ટાઇમ્સ સાથેની વાતચીતમાં આ સમગ્ર મામલાની પુષ્ટિ કરી અને કહ્યું કે ભ્રષ્ટાચાર વિરોધી એકમ (ACSU) તેમના જવાબથી સંતુષ્ટ નથી. IPL 2026માં નિયમોનું ઉલ્લંઘન કરવા બદલ રાજસ્થાન રોયલ્સ (RR) ના ટીમ મેનેજર રોમી ભિન્ડર સામે કડક કાર્યવાહી કરવામાં આવી છે. લાઈવ મેચ દરમિયાન ડગઆઉટમાં મોબાઈલ ફોનનો ઉપયોગ કરવો તેમને મોંઘો પડ્યો છે.
શું છે આખો મામલો?
ગુવાહાટીના બરસાપારા સ્ટેડિયમમાં રાજસ્થાન રોયલ્સ અને રોયલ ચેલેન્જર્સ બેંગલુરુ (RCB) વચ્ચે રમાયેલી મેચ દરમિયાન આ ઘટના બની હતી. રોમી ભિન્ડર ડગઆઉટમાં બેસીને ફોનનો ઉપયોગ કરતા કેમેરામાં ઝડપાયા હતા. આ વીડિયો સોશિયલ મીડિયા પર વાયરલ થયા બાદ BCCIની એન્ટી કરપ્શન યુનિટે (ACSU) તપાસ હાથ ધરી હતી.
BCCI એ ફટકાર્યો 1 લાખનો દંડ ; રાજસ્થાન રોયલ્સ
BCCI સચિવ દેવજીત સૈકિયાએ પુષ્ટિ કરી છે કે રોમી ભિન્ડરનો જવાબ સંતોષકારક ન જણાતા તેમના પર 1 લાખ રૂપિયાનો દંડ ફટકારવામાં આવ્યો છે.
-
કારણ: પ્રોટોકોલનું ઉલ્લંઘન.
-
રાહત: આ તેમનો પ્રથમ ગુનો હોવાથી તેમને પ્રતિબંધ (Ban) માંથી મુક્તિ મળી છે, પરંતુ કડક ચેતવણી આપવામાં આવી છે.
શું કહે છે IPLના નિયમો?
IPLના ભ્રષ્ટાચાર વિરોધી નિયમો મુજબ, ખેલાડીઓ અને સ્ટાફ સભ્યો મેચ દરમિયાન સુરક્ષિત વિસ્તારમાં ફોનનો ઉપયોગ કરી શકતા નથી.
-
ટીમ મેનેજર ફોન રાખી શકે છે, પરંતુ તેનો ઉપયોગ માત્ર ડ્રેસિંગ રૂમમાં જ કરી શકાય છે.
-
PMOA એરિયા એટલે કે ડગઆઉટમાં ફોન ચલાવવા પર સંપૂર્ણ પ્રતિબંધ છે.
મેનેજરનો બચાવ
રિપોર્ટ્સ મુજબ, રોમી ભિન્ડરની તબિયત છેલ્લા કેટલાક દિવસોથી ખરાબ હતી, જેના કારણે તેમણે મેડિકલ ઈમરજન્સી કે અંગત કારણોસર ફોનનો ઉપયોગ કર્યો હોવાનું કહેવાય છે. જોકે, BCCIએ સ્પષ્ટ કર્યું છે કે રમતની ગરિમા અને સુરક્ષા જાળવવા નિયમોનું પાલન કરવું અનિવાર્ય છે.
