ક્રિકેટ ચાહકો માટે બીજી એક રોમાંચક શ્રેણીની જાહેરાત કરવામાં આવી છે. ઓસ્ટ્રેલિયન ટીમ જૂનમાં બાંગ્લાદેશનો પ્રવાસ કરશે, જ્યાં બંને ટીમો વચ્ચે મર્યાદિત ઓવરની મેચ જોવા મળશે. આ પ્રવાસ ઘણી રીતે ખાસ રહેશે, કારણ કે તે ભવિષ્યની મોટી ટુર્નામેન્ટની તૈયારીઓ પણ શરૂ કરશે. ઓસ્ટ્રેલિયા અને બાંગ્લાદેશ જૂનમાં છ મેચની વ્હાઇટ-બોલ શ્રેણી રમશે, જેમાં ત્રણ ODI અને ત્રણ T20I હશે. આખી શ્રેણી ૧૩ દિવસમાં પૂર્ણ થશે, જેનાથી બંને ટીમો સળંગ મેચ રમી શકશે.
પ્રવાસનું શેડ્યૂલ અને કાર્યક્રમ
ઓસ્ટ્રેલિયા અને બાંગ્લાદેશ વચ્ચે કુલ 6 મેચોની સિરીઝ રમાશે. આ આખો પ્રવાસ માત્ર 13 દિવસમાં પૂરો કરવામાં આવશે. સિરીઝમાં 3 વનડે (ODI) અને 3 T20 મેચોનો સમાવેશ થાય છે.
-
ODI સિરીઝ (ઢાકા): 9, 11 અને 14 જૂન.
-
T20I સિરીઝ (ચટગાંવ): 17, 19 અને 21 જૂન.
મેચના સમયમાં થઈ શકે છે ફેરફાર
બાંગ્લાદેશમાં હાલ ઊર્જા સંકટ અને ઇંધણની અછત ચાલી રહી છે. આ પરિસ્થિતિને જોતા ફ્લડલાઇટ્સનો વપરાશ ઘટાડવા માટે તમામ મેચો દિવસ દરમિયાન રમાય તેવી શક્યતા છે. અગાઉ ન્યુઝીલેન્ડ સામેની સિરીઝમાં પણ આવો જ નિર્ણય લેવામાં આવ્યો હતો.
ઓસ્ટ્રેલિયા માટે મહત્વનો પ્રવાસ
ઓસ્ટ્રેલિયાની ટીમ લાંબા સમય પછી બાંગ્લાદેશમાં વનડે સિરીઝ રમશે. છેલ્લે 2011માં કાંગારૂ ટીમે અહીં ODI સિરીઝ રમી હતી.
-
કેપ્ટનશીપ: T20માં મિશેલ માર્શ ટીમની કમાન સંભાળશે.
-
તૈયારી: આ સિરીઝ 2027ના વનડે વર્લ્ડ કપ અને 2028ના T20 વર્લ્ડ કપની તૈયારીઓ માટે ખૂબ મહત્વની માનવામાં આવે છે.
જૂની યાદો તાજી થશે
વર્ષ 2021માં જ્યારે ઓસ્ટ્રેલિયા T20 સિરીઝ માટે બાંગ્લાદેશ આવ્યું હતું, ત્યારે યજમાન બાંગ્લાદેશે ઓસ્ટ્રેલિયાને 4-1થી હરાવીને ઈતિહાસ રચ્યો હતો. હવે જોવાનું એ રહેશે કે શું ઓસ્ટ્રેલિયા આ વખતે તે હારનો બદલો લઈ શકે છે કે નહીં.
