વિશ્વના સૌથી મહત્વપૂર્ણ દરિયાઈ વેપાર માર્ગ પર એક મોટી દુર્ઘટનાના સમાચાર સામે આવ્યા છે. હોર્મુઝ સામુદ્રધુનીમાંથી પસાર થઈ રહેલા એક તેલ ટેન્કરમાં દરિયાઈ માઈન (Sea Mine) સાથે ટકરાયા બાદ જોરદાર ધડાકો થયો હતો. ઈરાનની જાણીતી ન્યૂઝ એજન્સી ‘તસ્નીમ’ના અહેવાલ મુજબ, આ ટેન્કર ઈરાન દ્વારા નક્કી કરવામાં આવેલા નિશ્ચિત દરિયાઈ માર્ગ પરથી ભટકી ગયું હતું. માર્ગ ભટકવાના કારણે આ અકસ્માત સર્જાયો હતો.
-
[Image Alt Text: હોર્મુઝ સામુદ્રધુનીમાં તેલ ટેન્કરમાં વિસ્ફોટની તસવીર]
માર્ગ ભટકવાના કારણે સર્જાયો અકસ્માત
રિપોર્ટ અનુસાર, ટેન્કર જ્યારે પોતાના નિયત રસ્તા પરથી દૂર નીકળી ગયું ત્યારે તે પાણીમાં મુકેલી સી માઈન સાથે ટકરાઈ ગયું હતું.
-
ટક્કર થતાંની સાથે જ ટેન્કરમાં મોટો વિસ્ફોટ થયો હતો.
-
આ ઘટના દુનિયાના સૌથી વ્યસ્ત અને મહત્વપૂર્ણ તેલ વેપાર માર્ગ પર બની છે.
-
વિશ્વના કુલ તેલ પુરવઠાનો એક મોટો હિસ્સો આ જ માર્ગ પરથી પસાર થાય છે.
આ ઘટના બાદ આસપાસના દરિયાઈ વિસ્તારમાં સુરક્ષા અને વાહનોની અવરજવર પર ચિંતા વધી ગઈ છે.
ઈરાની અધિકારીઓની સત્તાવાર પુષ્ટિ બાકી
જોકે, હોર્મુઝ સામુદ્રધુનીમાં તેલ ટેન્કરમાં વિસ્ફોટની આ ઘટના અંગે ઈરાન સરકાર કે સ્થાનિક અધિકારીઓ દ્વારા હજુ સુધી કોઈ સત્તાવાર નિવેદન બહાર પાડવામાં આવ્યું નથી.
અધિકારીઓ તરફથી નિવેદન ન આવવાના કારણે ટેન્કરમાં વિસ્ફોટ અને તેના સાચા કારણો અંગે હજુ સુધી સ્વતંત્ર રીતે કોઈ પુષ્ટિ થઈ શકી નથી. સંબંધિત એજન્સીઓ દ્વારા આ ઘટના અંગે વધુ વિગતો મેળવવાનો પ્રયાસ કરવામાં આવી રહ્યો છે.
