શેરબજારમાં રોકાણ કરનારાઓ માટે સેબી (SEBI) નું નવું સ્પેશિયલાઇઝ્ડ ઇન્વેસ્ટમેન્ટ ફંડ (SIF) ઝડપથી લોકપ્રિય થઈ રહ્યું છે. આ ફંડ શરૂ થયાને હજુ થોડા જ મહિના થયા છે, પરંતુ રોકાણકારોએ તેમાં ₹13,800 કરોડથી વધુનું માતબર રોકાણ કરી દીધું છે.
SEBI ના જણાવ્યા અનુસાર, 31 મે 2026 સુધીમાં SIF નું એસેટ અંડર મેનેજમેન્ટ (AUM) ₹13,500 કરોડને પાર કરી ગયું છે. આ ફંડ સાથે 56,000 થી વધુ રોકાણકારોના ખાતા જોડાઈ ચૂક્યા છે. આ આંકડા દર્શાવે છે કે મોટા રોકાણકારો આ નવા ઓપ્શનમાં ભારે રસ દાખવી રહ્યા છે.
શું છે આ SIF (Specialized Investment Fund)?
SIF એ રોકાણનો એક નવો વિકલ્પ છે, જેને SEBI દ્વારા ફેબ્રુઆરી 2026 માં શરૂ કરવામાં આવ્યો હતો.
-
હેતુ: આ ફંડ સામાન્ય મ્યુચ્યુઅલ ફંડ (Mutual Funds) અને પોર્ટફોલિયો મેનેજમેન્ટ સર્વિસીસ (PMS) વચ્ચેના અંતરને ઓછું કરે છે.
-
કોના માટે છે: આ ફંડ એવા રોકાણકારો માટે છે જેઓ વધુ જોખમ (Risk) લઈને બહેતર વળતર મેળવવા ઈચ્છે છે.
-
લઘુત્તમ રોકાણ: SIF માં રોકાણ કરવા માટે ઓછામાં ઓછું ₹10 લાખનું રોકાણ જરૂરી છે.
-
એડવાન્સ ટેકનિક: આમાં ફંડ મેનેજર્સ ડેરિવેટિવ્સ, લોન્ગ-શોર્ટ સ્ટ્રેટેજી અને હેજિંગ જેવી આધુનિક રોકાણ પદ્ધતિઓનો ઉપયોગ કરી શકે છે.
કઈ સ્ટ્રેટેજીમાં સૌથી વધુ રોકાણ થયું?
SEBI ના હોલ-ટાઇમ મેમ્બર અમરજીત સિંહે જણાવ્યું કે, SIF હેઠળ અત્યાર સુધીમાં 21 અલગ-અલગ ઇન્વેસ્ટમેન્ટ સ્ટ્રેટેજી લોન્ચ કરવામાં આવી છે. આમાંથી ‘હાઇબ્રિડ લોન્ગ શોર્ટ સ્ટ્રેટેજી’ ને રોકાણકારો તરફથી સૌથી વધુ પ્રતિસાદ મળ્યો છે.
રોકાણકારોને મહત્વની સલાહ
અમરજીત સિંહે રોકાણકારોને સોશિયલ મીડિયાના ઊંચા રિટર્ન જોઈને કે FOMO (Fear of Missing Out – પાછળ રહી જવાનો ડર) ના કારણે રોકાણ ન કરવાની સલાહ આપી છે.
સેબીની સલાહ: રોકાણ હંમેશા તમારા નાણાકીય લક્ષ્ય, જોખમ લેવાની ક્ષમતા અને સમયગાળાને ધ્યાનમાં રાખીને જ કરવું જોઈએ. લાંબા ગાળે યોગ્ય એસેટ એલોકેશન જ સંપત્તિ બનાવવાનો સાચો રસ્તો છે.
ડિસ્ટ્રીબ્યુટર્સ માટે નવી વ્યવસ્થા
રોકાણકારોને સાચી માહિતી મળી રહે તે માટે SEBI અને NISM મળીને એક નવી સંયુક્ત પરીક્ષા (Combined Mutual Fund–SIF Distributor Certificate Exam) તૈયાર કરી રહ્યા છે. આનાથી ડિસ્ટ્રીબ્યુટર્સ એક જ સર્ટિફિકેટ દ્વારા મ્યુચ્યુઅલ ફંડ અને SIF બંને પ્રોડક્ટ્સ વેચી શકશે.
< /p>
