અમદાવાદના સરદાર વલ્લભભાઈ પટેલ ઈન્ટરનેશનલ એરપોર્ટ પરથી ડ્રગ્સની હેરાફેરીનો મોટો પર્દાફાશ થયો છે. DRI અને AIU એ સંયુક્ત ઓપરેશન હાથ ધરીને બેંગકોકથી લાવવામાં આવેલ કરોડો રૂપિયાનો નશીલો પદાર્થ જપ્ત કર્યો છે.
બેંગકોકથી વાયા વિયેટ જેટ એરલાઇન્સ આવ્યું ડ્રગ્સ
બાતમીના આધારે કાર્યવાહી કરતા તપાસ એજન્સીઓએ બેંગકોકથી આવેલી ફ્લાઇટના બે મુસાફરો પર વોચ ગોઠવી હતી. આ મુસાફરો અમદાવાદ એરપોર્ટ પર ઉતરતા જ તેમની અટકાયત કરવામાં આવી હતી. તેમની ટ્રોલી બેગની તપાસ કરતા અધિકારીઓ પણ ચોંકી ઉઠ્યા હતા.
2.25 કિલો હાઈબ્રિડ ગાંજો જપ્ત
તપાસ દરમિયાન મુસાફરોની બેગમાંથી 8 વેક્યૂમ-સીલ પેકેટ મળી આવ્યા હતા.
-
કુલ વજન: 2.25 કિલોગ્રામ
-
અંદાજિત કિંમત: ₹2 કરોડથી વધુ
-
પ્રકાર: ઉચ્ચ ગુણવત્તાનો હાઈબ્રિડ ગાંજો (FSL ટેસ્ટમાં પુષ્ટિ)
જબલપુરના બે આરોપીની ધરપકડ
ઝડપાયેલા બંને શખસો મૂળ મધ્ય પ્રદેશના જબલપુરના રહેવાસી છે. કસ્ટમ વિભાગે ડ્રગ્સનો જથ્થો જપ્ત કરી બંનેની ધરપકડ કરી છે. હાલ એજન્સીઓ એ તપાસ કરી રહી છે કે અમદાવાદમાં આ ડ્રગ્સ કોને પહોંચાડવાનું હતું અને આ મોટા નેટવર્ક પાછળ મુખ્ય સૂત્રધાર કોણ છે.
