પ્રફુલ હિંગે, એક એવું નામ જે ફક્ત બે દિવસ પહેલા સુધી બહુ ઓછા લોકો જાણતા હશે. જે લોકો ક્રિકેટના ખૂબ શોખીન છે અને નિયમિતપણે IPL જુએ છે, તેમના માટે આ નામ થોડું અજાણ્યું હતું. પરંતુ થોડા જ કલાકોમાં, આ ખેલાડી આખા ભારતમાં ઘર-ઘરમાં જાણીતો બની ગયો છે. શું કોઈ પોતાના IPL ડેબ્યૂની પહેલી ઓવર આ રીતે ફેંકે છે? પરંતુ પ્રફુલ હિંગે પહેલાથી જ નક્કી કરી લીધું હતું કે જ્યારે પણ તે પોતાનું ડેબ્યૂ કરશે, ત્યારે તે તેની પહેલી મેચમાં ચાર કે પાંચ વિકેટ લેશે, અને એવું જ થયું.
સનરાઈઝર્સ હૈદરાબાદના યુવા બોલર પ્રફુલ્લ હિંગેએ (Praful Hinge) પોતાના ડેબ્યૂમાં જ એવો કરિશ્મા કર્યો કે આખું ભારત જોતું રહી ગયું. આશ્ચર્યની વાત એ છે કે 13 વર્ષની ઉંમર સુધી તો તેણે ક્યારેય લેધર બોલ જોયો પણ નહોતો.
પહેલી જ ઓવરમાં રાજસ્થાન રોયલ્સની કમર તોડી નાખી
રાજસ્થાન રોયલ્સ સામેની મેચમાં હૈદરાબાદે 216 રન બનાવ્યા હતા. રાજસ્થાન પાસે વૈભવ સૂર્યવંશી અને યશસ્વી જયસ્વાલ જેવા ધાકડ બેટ્સમેનો હતા, પણ પ્રફુલ્લ હિંગેએ પહેલી જ ઓવરમાં 3 વિકેટ ઝડપીને મેચનું પાસું પલટી નાખ્યું. તેણે પોતાની 4 ઓવરમાં 34 રન આપી કુલ 4 વિકેટ ઝડપી હતી.
A dream debut ⭐
Vaibhav Sooryavanshi ✅ Dhruv Jurel ✅ Lhuan-dre Pretorious✅
Praful Hinge gets 3 wickets in his first over #TATAIPL#TATAIPL #IPLRivalryWeek 2026 👉 #SRHvRR | LIVE NOW 👉https://t.co/kOHOKuG1Hi pic.twitter.com/4KLyM6S1z0
— Star Sports (@StarSportsIndia) April 13, 2026
ડાયરીમાં પહેલેથી જ લખી રાખ્યું હતું લક્ષ્ય
મેચ બાદ ‘પ્લેયર ઓફ ધ મેચ’ બનેલા પ્રફુલ્લએ એક મોટો ખુલાસો કર્યો. તેણે જણાવ્યું કે તેણે પોતાની ડાયરીમાં પહેલેથી જ લખી રાખ્યું હતું કે તે જ્યારે પણ ડેબ્યૂ કરશે ત્યારે 4 થી 5 વિકેટ ઝડપશે. પ્રફુલ્લએ પાવરપ્લેમાં જ વિરોધી ટીમ પર હાવી થવાનો પ્લાન બનાવ્યો હતો.
વૈભવ સૂર્યવંશીની વિકેટ રહી ફેવરિટ
પ્રફુલ્લએ મેચમાં વૈભવ સૂર્યવંશી, લુઆન-ડ્રે પ્રિટોરિયસ અને કેપ્ટન રિયાન પરાગ જેવા મોટા ખેલાડીઓને આઉટ કર્યા. તેણે કહ્યું કે, “વૈભવને બાઉન્સર ફેંકીને આઉટ કરવો એ મારો પ્લાન હતો અને તે સફળ રહ્યો.” પ્રફુલ્લએ પોતાની સફળતાનો શ્રેય એસઆરએચના બોલિંગ કોચ વરુણ એરોનને આપ્યો છે.
