સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ એક મહત્વનો નિર્ણય લીધો છે. બોર્ડે થ્રી લેંગ્વેજ પોલિસી (ત્રિભાષીય ફોર્મ્યુલા) ના નિયમોમાં ફેરફાર કર્યો છે. આ નિર્ણયથી ધોરણ 7 થી 10 માં ભણતા વિદ્યાર્થીઓને મોટી રાહત મળશે. નવી શિક્ષણ નીતિ (NEP) 2020 ના કડક નિયમો અત્યારે આ વિદ્યાર્થીઓ પર લાગુ થશે નહીં.
ધોરણ 7 થી 10 માટે જૂના નિયમો યથાવત
CBSE ના સત્તાવાર સૂત્રોના જણાવ્યા અનુસાર, ધોરણ 7, 8 અને 9 ના વિદ્યાર્થીઓને નવી નીતિમાંથી મુક્તિ આપવામાં આવી છે.
-
વિદેશી ભાષાઓની છૂટ: ધોરણ 10 ના વિદ્યાર્થીઓ બે વિદેશી ભાષાઓ (Foreign Languages) સાથે બોર્ડની પરીક્ષા આપી શકશે.
-
જૂનું કોમ્બિનેશન ચાલુ રહેશે: જે વિદ્યાર્થીઓએ પહેલાથી જ બે વિદેશી ભાષાઓ પસંદ કરી છે, તેઓ ધોરણ 10 સુધી તે જ ભાષાઓ ભણી શકશે.
-
ભાષાની પસંદગી અને પરીક્ષા માટે જૂની સિસ્ટમ જ ચાલુ રહેશે.
નવો નિયમ માત્ર ધોરણ 6 ના વિદ્યાર્થીઓ માટે
નવી શિક્ષણ નીતિ (NEP 2020) નો નવો થ્રી લેંગ્વેજ ફોર્મ્યુલા અત્યારે માત્ર ધોરણ 6 ના વિદ્યાર્થીઓ પર જ લાગુ થશે.
શું છે નવો નિયમ? નવી શિક્ષણ નીતિ હેઠળ વિદ્યાર્થીઓએ ત્રણમાંથી ઓછામાં ઓછી બે ભારતીય ભાષાઓ (Indian Languages) ભણવી ફરજિયાત છે.
આ નવો નિયમ અત્યારે માત્ર ધોરણ 6 માં એડમિશન લેનારા બાળકો માટે છે. જેમ-જેમ આ વિદ્યાર્થીઓ આગળના ધોરણમાં જશે, તેમ-તેમ આ નવો નિયમ આગળ વધશે.
વિદ્યાર્થીઓ અને વાલીઓને મોટી શાંતિ
બોર્ડના આ નિર્ણયથી લાખો વિદ્યાર્થીઓ અને વાલીઓને મોટી રાહત મળી છે. અધવચ્ચેથી ભાષા બદલવાનું ટેન્શન હવે દૂર થઈ ગયું છે. ધોરણ 7 થી 10 ના વિદ્યાર્થીઓ કોઈપણ મૂંઝવણ વગર પોતાની જૂની ભાષાઓ સાથે અભ્યાસ પૂરો કરી શકશે.
સમાચાર એજન્સી ANIએ સીબીએસઈના સૂત્રોના હવાલાથી દાવો કર્યો છે કે, નવી શિક્ષણ નીતિ (NEP) 2020 હેઠળ અમલમાં આવનારો નવો થ્રી લેંગ્વેજ ફોર્મ્યુલા, જેમાં ઓછામાં ઓછી બે ભારતીય ભાષાઓ ભણવાનું ફરજિયાત કરવામાં આવ્યું છે, તે માત્ર છઠ્ઠા ધોરણમાં એડમિશન લેનારા સ્ટુડન્ટ્સ પર જ લાગુ થશે. જેમ-જેમ આ ધોરણ આગળ વધશે (એટલે કે વિદ્યાર્થીઓ આગળના ધોરણમાં જશે), તેમ-તેમ તેઓ આ જ લેંગ્વેજ કોમ્બિનેશન સાથે પોતાનો અભ્યાસ ચાલુ રાખી શકશે. ટૂંકમાં કહીએ તો, સીબીએસઈએ નવી થ્રી લેંગ્વેજ પોલિસીમાંથી અત્યારે 7માં, 8માં, 9માં અને 10માં ધોરણમાં ભણી રહેલા વિદ્યાર્થીઓને મોટી રાહત આપી છે.
