ભારતીય ક્રિકેટ ટીમના ‘ચાઈનામેન’ બોલર કુલદીપ યાદવ હવે જિંદગીની નવી ઇનિંગ શરૂ કરવા જઈ રહ્યા છે. કુલદીપ યાદવ તેની મંગેતર વંશિકા સાથે 14 માર્ચે લગ્નના પવિત્ર બંધનમાં બંધાશે. આ ભવ્ય લગ્ન સમારોહ ઉત્તરાખંડના મસૂરી ખાતે યોજાશે.
લગ્નનું શિડ્યુલ અને સ્થળ
લગ્ન માટે કુલદીપ યાદવ દહેરાદૂન પહોંચી ગયા છે. ત્યાં ક્રિકેટ એસોસિએશન ઓફ ઉત્તરાખંડ દ્વારા તેમનું ભવ્ય સ્વાગત કરવામાં આવ્યું હતું.
ક્યારે: 13 અને 14 માર્ચ, 2026.
ક્યાં: હોટલ સવોય (Hotel Savoy), મસૂરી.
મહેમાનો: અંદાજે 200 ખાસ મહેમાનો હાજર રહેશે.
કોણ છે કુલદીપની દુલ્હન વંશિકા?
કુલદીપ અને વંશિકા બાળપણના મિત્રો છે. બંને મૂળ કાનપુરના વતની છે. વંશિકા હાલમાં ઓસ્ટ્રેલિયામાં અભ્યાસ પૂર્ણ કરીને ત્યાં નોકરી કરી રહી છે. બંનેએ જૂન 2025માં લખનૌ ખાતે સગાઈ કરી હતી.
લગ્નનું ખાસ આકર્ષણ
કુલદીપ યાદવના લગ્ન ખૂબ જ હાઈ-પ્રોફાઈલ રહેવાના છે. જેમાં ક્રિકેટ જગતની મોટી હસ્તીઓ ઉમટી પડશે.
સ્ટાર ગેસ્ટ: રોહિત શર્મા, સૂર્યકુમાર યાદવ અને ગૌતમ ગંભીર હાજર રહે તેવી શક્યતા છે.
પહાડી મેનૂ: જમવામાં પહાડી વ્યંજનો જેવા કે મંડુવાની રોટલી અને લાલ ચોખા પીરસવામાં આવશે.
મોંઘી થાળી: અહેવાલો મુજબ, એક પ્લેટ જમવાની કિંમત ₹6,000 થી વધુ છે.
ગુરુવારે દહેરાદૂન પહોંચેલા કુલદીપને CAU ના હોદ્દેદારોએ ફૂલહાર પહેરાવી સન્માનિત કર્યો હતો અને તેને કેદારનાથ મંદિરનો પ્રસાદ પણ ભેટમાં આપ્યો હતો. હવે ક્રિકેટ પ્રેમીઓની નજર મસૂરીમાં યોજાનારા આ હાઈ-પ્રોફાઈલ લગ્ન પર ટકેલી છે.
