જુલાઈ મહિનો પૂર્ણ થવા જઈ રહ્યો છે અને 1 ઓગસ્ટથી દેશમાં અનેક નાણાકીય તેમજ વ્યવહારિક નિયમો બદલાવા જઈ રહ્યા છે. આ બદલાવ તમારા રસોડાના બજેટથી લઈને ફ્લાઈટની ટિકિટ, બેંકિંગ સર્વિસ અને રેલવે બુકિંગ સુધી અસર કરશે. આવો જાણીએ 1 ઓગસ્ટથી બદલાનારા 5 મોટા નિયમો વિશે:
1. LPG સિલિન્ડરના ભાવ
દર મહિનાની પહેલી તારીખે ઓઈલ માર્કેટિંગ કંપનીઓ એલપીજી સિલિન્ડરના નવા ભાવ જાહેર કરે છે.
-
1 ઓગસ્ટના રોજ પણ રસોઈ ગેસના ભાવમાં સુધારો જોવા મળી શકે છે.
-
અગાઉ જુલાઈમાં 19 કિલોના કોમર્શિયલ સિલિન્ડરમાં ભાવઘટાડો કરાયો હતો.
-
14 કિલોના ઘરેલુ ગેસ સિલિન્ડરના ભાવમાં ફેરફાર થશે કે નહીં તેના પર સૌની નજર રહેશે.
2. ATF (હવાઈ ઈંધણ)ની કિંમતો
ઓઈલ કંપનીઓ દર મહિનાની 1 તારીખે એવિએશન ટર્બાઇન ફ્યુઅલ (ATF) એટલે કે હવાઈ ઈંધણના ભાવ પણ સુધારે છે.
ATFના ભાવમાં થતો વધારો કે ઘટાડો સીધી રીતે હવાઈ મુસાફરીના ભાડા પર અસર કરે છે.
3. બેંકિંગ સર્વિસ ચાર્જમાં ફેરફાર
1 ઓગસ્ટ 2026થી બેંકો પોતાના ચાર્જિસમાં સુધારો કરવા જઈ રહી છે:
-
ઉજ્જીવન સ્મોલ ફાઇનાન્સ બેંક: SMS એલર્ટ ચાર્જમાં ફેરફાર કરશે.
-
માસિક મર્યાદા સાથે હવે 30 પૈસા પ્રતિ SMS ચાર્જ લાગુ થશે.
-
ગ્રાહકોએ પોતાના ડેબિટ કાર્ડ મેન્ટેનન્સ ફી અને અન્ય ચાર્જિસ માટે બેંકનો સંપર્ક કરવો.
4. રેલવે તત્કાલ ટિકિટ બુકિંગનો નિયમ
ભારતીય રેલવે તત્કાલ ટિકિટ બુકિંગની પ્રક્રિયાને સરળ બનાવવા જઈ રહી છે:
-
હવે કાઉન્ટર પર ટોકન આપવાનો સમય અને તત્કાલ બુકિંગનો સમય એકસાથે શરૂ થશે.
-
આ નિર્ણયથી રેલવે કાઉન્ટર પર થતી ભીડ ઓછી થશે.
-
મુસાફરોને હવે ટોકન લેવા અને ટિકિટ બુક કરાવવા માટે અલગ-અલગ સમયે લાઈનમાં ઊભા રહેવું નહીં પડે.
5. GST અને e-Way Billના નવા નિયમો
વેપારીઓ અને બિઝનેસ કરનારાઓ માટે GSTના નિયમોમાં પારદર્શિતા લાવવા ફેરફાર કરાયા છે:
-
Bill To–Ship To ટ્રાન્ઝેક્શનમાં હવે ‘Ship To’ GSTIN આપવું ફરજિયાત બનશે.
-
સિસ્ટમ દ્વારા GSTIN અને સ્ટેટ કોડ ચકાસવામાં આવશે.
-
વેપારીઓ હવે પોતાની મરજી મુજબ ઈ-વે બિલને સ્વેચ્છાએ બંધ (Cancel) પણ કરી શકશે.
