આમ આદમી પાર્ટીમાં ચાલી રહેલો આંતરિક વિખવાદ હવે ચરમસીમાએ પહોંચ્યો છે. રાજ્યસભા સાંસદ રાઘવ ચઢ્ઢાએ પોતાની જ પાર્ટી વિરુદ્ધ મોરચો માંડ્યો છે. તેમણે સોશિયલ મીડિયા પર એક વીડિયો શેર કર્યો છે, જેનું ટાઈટલ છે- “ઘાયલ છું એટલે ઘાતક છું”.
સ્ક્રિપ્ટેડ કેમ્પેઈનનો ગંભીર આરોપ
રાઘવ ચઢ્ઢાએ વીડિયોમાં દાવો કર્યો કે તેમની વિરુદ્ધ સુનિયોજિત કાવતરું ઘડવામાં આવી રહ્યું છે. તેમણે કહ્યું, “ગઈકાલથી સોશિયલ મીડિયા પર મારી વિરુદ્ધ એક જ પ્રકારની ભાષામાં કેમ્પેઈન ચલાવવામાં આવી રહ્યું છે. આ બધું સ્ક્રિપ્ટેડ છે.”
સંસદમાં વૉકઆઉટ મુદ્દે સ્પષ્ટતા
પાર્ટીએ આરોપ લગાવ્યો હતો કે વિપક્ષના વૉકઆઉટ સમયે રાઘવ સદનમાં જ બેસી રહ્યા હતા. આ મુદ્દે વળતો પ્રહાર કરતા રાઘવે જણાવ્યું હતું કે:
-
મારા પર લાગેલા તમામ આરોપો તદ્દન જૂઠા છે.
-
હું સંસદમાં બૂમબરાડા પાડવા કે માઈક તોડવા નથી જતો.
-
મેં હંમેશા વિપક્ષની એકતાનો સાથ આપ્યો છે.
CCTV ફૂટેજ ચેક કરવાનો પડકાર
રાઘવ ચઢ્ઢાએ પક્ષના નેતૃત્વને ખુલ્લો પડકાર ફેંક્યો છે. તેમણે કહ્યું કે, “સંસદમાં દરેક જગ્યાએ CCTV કેમેરા હોય છે. જો મેં વિપક્ષનો સાથ છોડ્યો હોય, તો તેના ફૂટેજ તપાસી લો.” તેમણે ઉમેર્યું કે પાયાવિહોણા આરોપો લગાવીને તેમને સંસદમાં બોલતા અટકાવવામાં આવ્યા છે.
मैं बोलना नहीं चाहता था, मगर चुप रहता तो बार-बार दोहराया गया झूठ भी सच लगने लगता।
Three Allegations. Zero Truth.
My Response: pic.twitter.com/tPdjp04TLt
— Raghav Chadha (@raghav_chadha) April 4, 2026
રાજકારણમાં ગરમાવો
રાઘવ ચઢ્ઢાના આ વીડિયો બાદ દિલ્હી અને પંજાબના રાજકારણમાં ખળભળાટ મચી ગયો છે. લાંબા સમયથી ચાલી રહેલી અટકળો હવે સાચી સાબિત થઈ રહી છે કે AAP અને રાઘવ વચ્ચે બધુ બરાબર નથી.
