navratri : નવરાત્રિનો પાવન પર્વ નજીક આવતાં જ ખેલૈયાઓમાં અનોખો થનગનાટ જોવા મળે છે. ચણિયા-ચોળી, કુર્તા અને રાસ-ગરબાની તૈયારીઓ વચ્ચે ઘણા લોકોની સૌથી મોટી મૂંઝવણ એ હોય છે કે ગરબા ગ્રાઉન્ડમાં રાઉન્ડ રમવા માટે કોઈ યોગ્ય પાર્ટનર નથી મળતો.
આ સામાન્ય સમસ્યાનો ગુજરાતના એક યુવકે અત્યંત અનોખો અને સર્જનાત્મક ઉકેલ શોધી કાઢ્યો છે. ઇન્સ્ટાગ્રામ પર ક્રિશ મિસ્ત્રી નામના યુવકે ‘રેન્ટ અ ગરબા પાર્ટનર’ (Rent a Garba Partner) નામની પેઇડ સર્વિસ ઓફર કરી છે, જે હાલ સોશિયલ મીડિયા પર જોરદાર ચર્ચા અને હાસ્યનું કેન્દ્ર બની છે.
સિલ્વરથી પ્લેટિનમ: 3 અલગ-અલગ પેકેજની રસપ્રદ ઓફર
યુવકે પ્રોફેશનલ સર્વિસ મેનૂની જેમ ત્રણ અલગ-અલગ પેકેજ રજૂ કર્યા છે:
-
સિલ્વર પેકેજ (રૂ. 1,000): આ પેકેજમાં 2 કલાક ગરબા રમવાની સુવિધા, મેચિંગ ટ્રેડિશનલ આઉટફિટ, ગરબાના બેઝિક સ્ટેપ્સ શીખવવાનું ટ્યુટોરિયલ અને સાથે ક્યૂટ સેલ્ફી લેવાની ઓફર સામેલ છે.
-
ગોલ્ડ પેકેજ (રૂ. 1,500): આ પેકેજમાં 4 કલાક ગરબા, સોશિયલ મીડિયા પર અપલોડ કરવા માટે શોર્ટ વીડિયો અને રીલ્સ તેમજ બંને વચ્ચે મુલાકાત કેવી રીતે થઈ તેની મનઘડંત કહાની (ફેક બેકસ્ટોરી) પણ સામેલ કરવામાં આવી છે જેથી કોઈને શંકા ન જાય.
-
પ્લેટિનમ પેકેજ (રૂ. 2,000): આ પ્રીમિયમ પેકેજમાં આખો દિવસ ગરબા રમવા, ગરબા પૂરા થયા બાદ કપાળ પર વ્હાલભરી કિસ (Forehead Kiss), દુપટ્ટો અને ઝુમકા સેટ કરવામાં મદદ તેમજ ઇવેન્ટ પૂરી થયા બાદ ગ્રાહકને સુરક્ષિત રીતે ઘરે ડ્રોપ કરવાની સંપૂર્ણ સુવિધા સામેલ છે.
View this post on Instagram
સોશિયલ મીડિયા પર લોકોની મિશ્ર પ્રતિક્રિયા
પોસ્ટમાં યુવકે કેપ્શનમાં રસ ધરાવતા લોકોને કોમેન્ટ સેક્શનમાં અરજી (Apply) કરવા આમંત્રણ આપ્યું હતું, જે જોતજોતામાં વાયરલ થઈ ગઈ:
-
નવી જોબ અનલોક: નેટીઝન્સે તેને Gen-Z યુગની સૌથી કમાલની સાઇડ હસલ (Side Hustle) ગણાવી મજાકિયા અંદાજમાં કહ્યું કે, “નવરાત્રિમાં નવી જોબ અનલોક થઈ ગઈ છે.”
-
યુઝર્સે માંગી વિગતો: કેટલાક યુઝર્સે પોતાના સિંગલ મિત્રોને ટેગ કરીને પેકેજ બુક કરાવવાની રમુજ કરી, જ્યારે અમુક લોકોએ સાચે જ રસ દાખવીને બુકિંગની વધુ વિગતો માંગી હતી.
નવરાત્રિની ઝાકમઝોળ અને સોશિયલ મીડિયા રીલ્સના આજના જમાનામાં કોઈ ગ્રાઉન્ડમાં એકલું ન પડી જાય તે માટે આ યુવકનો બિઝનેસ આઇડિયા હાલ ઇન્ટરનેટ પર ભારે ધૂમ મચાવી રહ્યો છે.
