વડાપ્રધાન નરેન્દ્ર મોદી આવતીકાલે (11 મે) જામનગરની મુલાકાતે આવી રહ્યા છે. પીએમના આગમનને હવે ગણતરીના કલાકો બાકી છે, ત્યારે સમગ્ર જામનગરનું સુરક્ષા તંત્ર ‘એલર્ટ મોડ’ પર છે.
મુખ્ય માર્ગો પર ભવ્ય રિહર્સલ
ગઈકાલે મોડી રાત્રે સુરક્ષા એજન્સીઓ દ્વારા ભવ્ય રિહર્સલ કરવામાં આવ્યું હતું. એરફોર્સ સ્ટેશનથી લઈને સર્કિટ હાઉસ સુધીના રૂટ પર વાહનોનો કાફલો પસાર થયો હતો. આ રિહર્સલ જોવા માટે જામનગરના લોકોમાં પણ ભારે ઉત્સાહ જોવા મળ્યો હતો.
5 જિલ્લાની પોલીસ જામનગરમાં તહેનાત
વડાપ્રધાનની સુરક્ષામાં કોઈ ખામી ન રહે તે માટે જામનગર સહિત પાંચ જિલ્લાની પોલીસ ફોર્સ તહેનાત કરવામાં આવી છે.
-
રાજકોટ, દ્વારકા, મોરબી અને સુરેન્દ્રનગર પોલીસની મદદ લેવાઈ.
-
LCB અને SOG ની ટીમો સતત પેટ્રોલીંગ કરી રહી છે.
-
BDDS (બોમ્બ સ્ક્વોડ) અને ડોગ સ્ક્વોડ દ્વારા દરેક ખૂણે તપાસ ચાલુ છે.
ચુસ્ત બંદોબસ્ત અને ચેકિંગ
શહેરના સંવેદનશીલ વિસ્તારો અને પીએમના રૂટ પર મેટલ ડિટેક્ટરથી તપાસ થઈ રહી છે. એરફોર્સ સ્ટેશન અને લાલ બંગલા સર્કલ જેવા વિસ્તારોમાં લોખંડી બંદોબસ્ત ગોઠવી દેવામાં આવ્યો છે. હાલમાં જામનગર શહેર સંપૂર્ણપણે સુરક્ષિત છાવણીમાં ફેરવાઈ ગયું છે.
