બોલિવૂડના ‘બાબા’ એટલે કે સંજય દત્ત ફરી એકવાર પોતાના સૌથી ખુંખાર અંદાજમાં મોટા પડદા પર પરત ફરી રહ્યા છે. વર્ષ 1993ની સુપરહિટ ફિલ્મ ‘ખલનાયક’ની સિક્વલ ‘ખલનાયક રિટર્ન્સ’ ની સત્તાવાર જાહેરાત કરવામાં આવી છે. આજે પણ લોકો ૧૯૯૩માં રિલીઝ થયેલી ફિલ્મ ખલનાયકને ભૂલી શક્યા નથી. તેણે સંજય દત્ત ને માત્ર સુપરસ્ટાર બનાવ્યો જ નહીં, પરંતુ બોક્સ ઓફિસ પર પણ ઘણી કમાણી કરી. તેની મનમોહક વાર્તા માટે તે ભારત અને દુનિયાભરમાં લોકપ્રિય છે. હવે, ખલનાયકની સિક્વલ મોટા પડદા પર પાછી ફરી રહી છે, અને સંજય દત્તે પોતે તેની જાહેરાત કરી છે. “ખલનાયક રિટર્ન્સ” નામની આ ફિલ્મમાં ફરી એકવાર સંજય દત્ત એક્શનમાં જોવા મળશે. શુક્રવારે સાંજે સંજય દત્તે ફિલ્મ વિશે એક પોસ્ટ શેર કરી. આ વીડિયોમાં, સંજય દત્ત પોતાના જૂના અંદાજમાં એક શક્તિશાળી એક્શન થ્રિલર રજૂ કરતા જોવા મળે છે. વીડિયો શેર કરતા સંજય દત્તે લખ્યું, “કેટલીક વાર્તાઓ સમાપ્ત થતી નથી; તે ફરી શરૂ થાય છે. ખલનાયક રિટર્ન્સ.”
સંજયદત્ત એ શેર કર્યો ફર્સ્ટ લુક
શુક્રવારે સાંજે સંજયદત્તે સોશિયલ મીડિયા પર એક દમદાર વીડિયો શેર કરીને ચાહકોને સરપ્રાઈઝ આપી છે. આ વીડિયોમાં સંજય દત્ત એ જ જૂના રૌબદાર અંદાજમાં જોવા મળે છે. વીડિયો શેર કરતા તેમણે લખ્યું, “કેટલીક વાર્તાઓ ખતમ નથી થતી, તે ફરી શરૂ થાય છે. ખલનાયક રિટર્ન્સ.”
ટીઝરમાં શું જોવા મળ્યું?
-
સંજયદત્ત એક અલગ અને પાવરફુલ લુકમાં સિગરેટ સળગાવતા જોવા મળે છે.
-
તે ફિલ્મનો આઈકોનિક ડાયલોગ બોલે છે: “નાયક નહીં, ખલનાયક હૂં મૈં.”
-
વીડિયોમાં ભરપૂર એક્શન અને જૂની યાદો તાજી કરાવતું બેકગ્રાઉન્ડ મ્યુઝિક છે.
1993ની ‘ખલનાયક’નો ઈતિહાસ
વર્ષ 1993માં આવેલી મૂળ ‘ખલનાયક’ ફિલ્મનું નિર્દેશન સુભાષ ઘઈએ કર્યું હતું. આ ફિલ્મ તે સમયે બ્લોકબસ્ટર સાબિત થઈ હતી.
-
સ્ટાર કાસ્ટ: સંજયદત્ત, માધુરી દીક્ષિત અને જેકી શ્રોફ.
-
સફળતા: ફિલ્મનું ગીત ‘ચોલી કે પીછે ક્યા હૈ’ આજે પણ એટલું જ લોકપ્રિય છે.
-
કહાની: જેલમાંથી ભાગેલા ‘બલ્લુ’ (સંજય દત્ત)ની આસપાસ આખી વાર્તા ફરે છે.
રિલીઝ ડેટની રાહ
ફિલ્મની જાહેરાત બાદ હવે ચાહકો તેની રિલીઝ ડેટની આતુરતાથી રાહ જોઈ રહ્યા છે. ‘ખલનાયક રિટર્ન્સ’માં સંજય દત્ત ફરી એકવાર એન્ટી-હીરોના પાત્રમાં બોક્સ ઓફિસ પર ધમાલ મચાવવા તૈયાર છે.
