બુલંદશહેરના દેવીપુરા વિસ્તારમાં રહેતા સાક્ષર કૌશિકની હત્યા પાછળ ટ્રાન્સજેન્ડર અમન ઉર્ફે અવંતિકા સાથેના પ્રેમ સંબંધો જવાબદાર હોવાનું બહાર આવ્યું છે. સાક્ષર, દીપક અને અન્ય યુવકો અવંતિકાને પ્રેમ કરતા હતા. આ લવ ટ્રાયન્ગલને કારણે વિવાદ વધ્યો અને સાક્ષરથી પીછો છોડાવવા માટે અવંતિકાએ તેના અન્ય પ્રેમીઓ સાથે મળીને હત્યાનું કાવતરું ઘડ્યું.
પાર્ટીમાં બોલાવી પથ્થર અને લાકડીઓથી કરી હત્યા
પોલીસ તપાસ મુજબ, 30 માર્ચના રોજ મુખ્ય આરોપી દીપક સાક્ષરને તેના ઘરેથી દારૂની પાર્ટી કરવાના બહાને બોલાવી ગયો હતો.
-
પાર્ટી દરમિયાન જાણીજોઈને વિવાદ ઊભો કરવામાં આવ્યો.
-
ત્યારબાદ આરોપીઓએ ઈંટો અને લાકડીઓ વડે સાક્ષરને બેરહેમીથી માર માર્યો.
-
હત્યા કર્યા બાદ લાશને ઓળખી ન શકાય તે માટે ખાડો ખોદીને દાટી દેવામાં આવી હતી.
પોલીસે 24 કલાકમાં ઉકેલ્યો કેસ
સાક્ષર ઘરે ન પહોંચતા પરિવારે ગુમ થયાની ફરિયાદ નોંધાવી હતી. પોલીસે મોબાઈલ લોકેશન અને શંકાસ્પદોની પૂછપરછના આધારે તપાસ તેજ કરી:
-
31 માર્ચ: સિકંદરાબાદ વિસ્તાર પાસેના બિલસુરી ગામમાંથી સાક્ષરનો મૃતદેહ મળી આવ્યો.
-
ધરપકડ: પોલીસે ટ્રાન્સજેન્ડર અમન ઉર્ફે અવંતિકા, દેવેશ અને શુભમની ધરપકડ કરી છે.
-
મુખ્ય આરોપી: મુખ્ય આરોપી દીપક હજુ ફરાર છે, જેની શોધખોળ ચાલુ છે.
મુદ્દામાલ કબજે
પોલીસે આરોપીઓ પાસેથી મૃતકનું પર્સ, આધાર કાર્ડ, પાન કાર્ડ, ડેબિટ કાર્ડ અને હત્યામાં વપરાયેલી લોહીવાળી ઈંટ કબજે કરી છે. એડિશનલ એસપી શંકર પ્રસાદે જણાવ્યું કે ઝડપાયેલા ત્રણેય આરોપીઓને જેલ ભેગા કરવામાં આવ્યા છે અને ચોથા આરોપીને પકડવા માટે ચક્રો ગતિમાન કર્યા છે.
