મિડલ ઈસ્ટ (મધ્ય પૂર્વ) માં ચાલી રહેલા સંઘર્ષની અસર હવે ભારત પર જોવા મળી રહી છે. ભારત સરકારના પેટ્રોલિયમ મંત્રાલયે આ અંગે મહત્વનું નિવેદન આપ્યું છે. સરકારના મતે સ્થિતિ હાલ નિયંત્રણમાં છે, પરંતુ સતર્ક રહેવું જરૂરી છે.
ભારત પર શું થશે અસર?
પેટ્રોલિયમ મંત્રાલયના જોઇન્ટ સેક્રેટરી સુજાતા શર્માએ જણાવ્યું કે, મિડલ ઈસ્ટ ની કોઈપણ ઘટનાની ભારત પર સીધી અસર થાય છે. તેના મુખ્ય કારણો નીચે મુજબ છે:
-
LPG આયાત: ભારત પોતાની જરૂરિયાતનો 90% LPG કતારથી મંગાવે છે.
-
LNG આયાત: ભારત 47% LNG પણ કતાર પાસેથી ખરીદે છે.
-
સપ્લાય ચેઈન: યુદ્ધના કારણે સપ્લાય ચેઈન પર દબાણ આવી શકે છે.
વર્તમાન સ્થિતિ શું છે?
સરકારે સ્પષ્ટ કર્યું છે કે હાલમાં ગભરાવાની જરૂર નથી. દેશમાં ઇંધણની સ્થિતિ અત્યારે સંતુલિત છે:
-
કાચા તેલ (Crude Oil) ની ઉપલબ્ધતા સામાન્ય છે.
-
રિફાઇનરીઓ કોઈપણ અવરોધ વગર કાર્યરત છે.
-
‘ડ્રાય-આઉટ’ (સ્ટોક ખતમ થવો) જેવી કોઈ સ્થિતિ નથી.
સરકારની ગ્રાહકોને અપીલ: PNG અપનાવો
સરકાર હવે એલપીજી (LPG) ના બદલે પીએનજી (PNG) નો વપરાશ વધારવા પર ભાર મૂકી રહી છે.
-
કંપનીઓએ નવા PNG કનેક્શન માટે ઈન્સેન્ટિવ શરૂ કર્યા છે.
-
અત્યાર સુધીમાં 1.25 લાખ નવા કનેક્શન આપવામાં આવ્યા છે.
-
ગેસના કાળાબજાર રોકવા માટે 31 રાજ્યોમાં મોનિટરિંગ સેન્ટર શરૂ કરાયા છે.
