વિમાનમાં બ્લાસ્ટ થવાનો હતો ખતરો
સ્થાનિક મીડિયા રિપોર્ટ્સ અનુસાર, આ પ્લેનમાં સ્કાઈડાઈવિંગ માટે જઈ રહેલા લોકો સવાર હતા. સ્થાનિક ન્યૂઝ ચેનલના જણાવ્યા મુજબ, દુર્ઘટના બાદ વિમાનમાં બ્લાસ્ટ થવાનો પણ મોટો ખતરો હતો. આ ખતરાને જોતા સુરક્ષા એજન્સીઓએ આખા વિસ્તારને ઘેરી લીધો હતો. સુરક્ષાના ભાગરૂપે ઘટનાસ્થળની આસપાસ મજબૂત બેરિકેડિંગ કરી દેવાયું છે.
ફ્રાન્સની પોલીસે સામાન્ય નાગરિકોને અકસ્માત વાળા વિસ્તારથી દૂર રહેવા વિનંતી કરી છે. પોલીસે લોકોને સાલ્વાડોર એલેન્ડે સ્ટ્રીટ (Salvador Allende Street) અને તેની આસપાસના વિસ્તારોમાં ન જવા માટે કહ્યું છે. જેથી કરીને રાહત બચાવ કામગીરી અને તપાસ એજન્સીઓના કામમાં કોઈ અવરોધ ન આવે.
આ વિમાન અકસ્માત કયા કારણે થયો તે હજી સ્પષ્ટ થઈ શક્યું નથી. ઉચ્ચ અધિકારીઓએ આ મામલે ઊંડી તપાસ શરૂ કરી દીધી છે. પોલીસ અને મેડિકલ સર્વિસના અધિકારીઓ ટૂંક સમયમાં આ ઘટનાની વિગતવાર માહિતી શેર કરશે.
