ટીવી ઇન્ડસ્ટ્રીના સૌથી લોકપ્રિય કપલ કરણ કુંદ્રા અને તેજસ્વી પ્રકાશ હાલમાં પોતાના વેકેશનને લઈને ચર્ચામાં છે. હાલમાં જ કરણ કુંદ્રાનું રોમેન્ટિક પ્રપોઝલ સોશિયલ મીડિયા પર ધૂમ મચાવી રહ્યું છે. બંને હાલમાં મોરેશિયસમાં રજાઓ માણી રહ્યા છે. આ દરમિયાન કરણે દરિયાની અંદર સ્કૂબા ડાઇવિંગ કરતી વખતે તેજસ્વીને રિંગ પહેરાવીને સરપ્રાઇઝ આપી હતી. આ ક્ષણનો વીડિયો તેણે પોતાના યૂટ્યૂબ વ્લોગમાં શેર કર્યો છે.
દરિયાની અંદર ઘૂંટણિયે બેસીને કર્યું પ્રપોઝ
મોરેશિયસ વેકેશન દરમિયાન આ કપલે અનેક સાહસિક એક્ટિવિટીઝનો આનંદ માણ્યો હતો. સ્કૂબા ડાઇવિંગ દરમિયાન કરણ કુંદ્રાએ દરિયાના ઊંડા પાણીમાં ઘૂંટણિયે બેસીને તેજસ્વીને રિંગ પહેરાવી હતી.
-
પાણીની અંદર હોવા છતાં બંનેના ચહેરા પર ખુશી સ્પષ્ટ દેખાતી હતી.
-
કરણે પાણીની અંદર ઈશારામાં ‘આઈ લવ યુ’ કહ્યું હતું.
-
તેજસ્વીએ મોટી સ્માઈલ સાથે હા પાડીને આ પ્રપોઝલ સ્વીકાર્યું હતું.
બંનેના આ અંડરવોટર વીડિયોને ચાહકો ખૂબ પસંદ કરી રહ્યા છે અને તેને સૌથી રોમેન્ટિક પ્રપોઝલ ગણાવી રહ્યા છે.
‘બિગ બોસ 15’ થી શરૂ થઈ હતી લવ સ્ટોરી
તેજસ્વી પ્રકાશ અને કરણ કુંદ્રાની લવ સ્ટોરી રિયાલિટી શો ‘બિગ બોસ 15’ દરમિયાન શરૂ થઈ હતી. શો દરમિયાન બંને વચ્ચે નજીકતા વધી હતી.
છેલ્લા 4 વર્ષથી બંને એકબીજાને ડેટ કરી રહ્યા છે. ચાહકો હંમેશા તેમના લગ્નને લઈને સવાલો પૂછતા રહે છે. આ પહેલા પણ કરણે એક શો દરમિયાન તેજસ્વીને પ્રપોઝ કર્યું હતું, પરંતુ આ અંડરવોટર સરપ્રાઇઝે ચાહકોના દિલ જીતી લીધા છે.
વ્લોગ જોઈને ચાહકોએ આપી પ્રતિક્રિયાઓ
જેવો આ વ્લોગ યુટ્યુબ પર અપલોડ થયો કે તરત જ ચાહકોએ કોમેન્ટ્સનો વરસાદ કરી દીધો હતો.
-
ઘણા ચાહકોએ તેમને આ ખાસ ક્ષણ માટે અભિનંદન આપ્યા હતા.
-
યુઝર્સે કોમેન્ટમાં લખ્યું કે તેઓ હવે તેજસ્વીને દુલ્હનના લુકમાં જોવા આતુર છે.
-
લોકો હવે બંનેને વહેલી તકે લગ્ન કરી લેવાની અપીલ કરી રહ્યા છે.
