IPL 2026 માં રવિવારે કોલકાતા નાઈટ રાઈડર્સ (KKR) અને મુંબઈ ઈન્ડિયન્સ (MI) વચ્ચે રમાયેલી મેચ બાદ એક નવો વિવાદ ઉભો થયો છે. KKR એ જે ખેલાડીને 25.20 કરોડ રૂપિયામાં ખરીદ્યો હતો, તે કેમરૂન ગ્રીને બોલિંગ ન કરતા ક્રિકેટ ઓસ્ટ્રેલિયા (CA) એ મેનેજમેન્ટ સામે આકરું વલણ અપનાવ્યું છે.
અજિંક્ય રહાણેના નિવેદનથી શરૂ થયો વિવાદ
મુંબઈ સામેની હાર બાદ જ્યારે KKR ના કેપ્ટન અજિંક્ય રહાણેને પૂછવામાં આવ્યું કે ગ્રીને બોલિંગ કેમ ન કરી? ત્યારે રહાણેએ હાથ ઊંચા કરી દીધા હતા. રહાણેએ કહ્યું હતું કે, “ગ્રીન બોલિંગ કેમ નથી કરી રહ્યો તે જઈને ક્રિકેટ ઓસ્ટ્રેલિયાને પૂછો.” રહાણેના આ પલ્લું ઝાટકતા નિવેદન બાદ ક્રિકેટ ઓસ્ટ્રેલિયાએ હવે સ્પષ્ટતા કરી છે.
ક્રિકેટ ઓસ્ટ્રેલિયાનો કડક જવાબ
ક્રિકેટ ઓસ્ટ્રેલિયાએ સત્તાવાર નિવેદનમાં જણાવ્યું છે કે, KKR મેનેજમેન્ટ પાસે ગ્રીનની ઈજાની તમામ માહિતી પહેલેથી જ હતી.
-
ઈજાનું કારણ: કેમરૂન ગ્રીનને કમરના ભાગે (Lower Back) ઈજા થઈ છે.
-
રકિવરીનો સમય: ગ્રીન આગામી 10-12 દિવસ સુધી બોલિંગ કરી શકશે નહીં.
-
મેનેજમેન્ટની જાણકારી: CA ના જણાવ્યા મુજબ, KKR ને ગ્રીનની આ સ્થિતિ વિશે સંપૂર્ણ જાણકારી હોવા છતાં રહાણેનું નિવેદન આશ્ચર્યજનક છે.
ગ્રીનનો બોલિંગ ઈતિહાસ અને મોંઘી હરાજી
નોંધનીય છે કે કેમરૂન ગ્રીન આ સીઝનનો સૌથી મોંઘો વિદેશી ખેલાડી છે. સપ્ટેમ્બર 2024 થી ઓક્ટોબર 2025 સુધી તેણે બોલિંગ કરી ન હતી. ટી20 વર્લ્ડ કપમાં પણ તે માંડ 19 બોલ ફેંકી શક્યો હતો. તેમ છતાં KKR એ તેના પર કરોડોનો જુગાર ખેલ્યો હતો.
મુંબઈ સામેની મેચમાં KKR એ 220 રનનો વિશાળ સ્કોર બનાવ્યો હોવા છતાં તેમના બોલરો આ સ્કોર ડિફેન્ડ કરી શક્યા ન હતા, જેના કારણે ઓલરાઉન્ડર ગ્રીનની ખોટ ટીમને વર્તાઈ હતી.
