ભારતીય સિનેમાના ઇતિહાસમાં અમુક ફિલ્મો એવી હોય છે જેની રાહ જોવામાં વર્ષો નીકળી જાય છે. સિદ્ધાર્થ આનંદના નિર્દેશનમાં બની રહેલી એક્શન ડ્રામા ફિલ્મ ‘કિંગ’ પણ આવી જ એક ફિલ્મ છે. શાહરૂખ ખાનનો જાદુ અને સિદ્ધાર્થ આનંદની સ્ટાઈલનું મિશ્રણ આ ફિલ્મને વર્ષ 2026ની સૌથી મોટી રિલીઝ બનાવવા માટે તૈયાર છે. આ ફિલ્મ માત્ર હાઈ-એનર્જી એક્શન જ નહીં, પરંતુ બોલિવૂડના દિગ્ગજ અને ઉભરતા સિતારાઓનો એવો જમાવડો છે જે પહેલા ક્યારેય જોવા મળ્યો નથી.
70% બોલિવૂડ કલાકાર એક જ ફિલ્મમાં!
તાજેતરમાં એક ઇન્ટરવ્યુમાં દિગ્ગજ અભિનેતા અને ફિલ્મમેકર સૌરભ શુક્લાએ ફિલ્મ વિશે ચોંકાવનારા ખુલાસા કર્યા છે. તેમણે જણાવ્યું કે ‘કિંગ’નું કાસ્ટિંગ એટલું ભવ્ય છે કે તેમાં આખી ફિલ્મ ઇન્ડસ્ટ્રીનો લગભગ 70 ટકા હિસ્સો સામેલ છે. સૌરભ શુક્લાએ કહ્યું, “માત્ર હું જ નહીં, ‘કિંગ’ પાસે ઇન્ડસ્ટ્રીનો 70 ટકા હિસ્સો છે. દરેક મોટું નામ આ ફિલ્મમાં જોવા મળશે.”
આ સ્ટાર્સ ફિલ્મમાં મુખ્ય ભૂમિકા ભજવશે
અહેવાલો અનુસાર, આ ફિલ્મમાં સુપરસ્ટાર શાહરૂખ ખાન તેમની પુત્રી સુહાના ખાન સાથે છે. “ધ આર્ચીઝ” પછી સુહાનાની મોટા પડદા પરની આ પહેલી ફિલ્મ હશે. અહેવાલો સૂચવે છે કે આ ફિલ્મમાં દીપિકા પાદુકોણ, રાની મુખર્જી, અભિષેક બચ્ચન, અનિલ કપૂર, અરશદ વારસી, જેકી શ્રોફ, જયદીપ અહલાવત અને રાઘવ જુયાલ સહિત પ્રતિભાશાળી કલાકારો છે. સૌરભ શુક્લાએ સેટ પર શાહરૂખ ખાન સાથે કામ કરવાનો પોતાનો અનુભવ આનંદદાયક ગણાવ્યો અને તેમના વ્યક્તિત્વ અને કરિશ્માની પ્રશંસા કરી. તેમણે ખાતરી પણ આપી કે ફિલ્મમાં તેમની ભૂમિકા દર્શકો માટે યાદગાર રહેશે.
શાહરૂખ ખાનનો ખતરનાક અંદાજ
રિપોર્ટ્સ મુજબ, શાહરૂખ ખાન આ ફિલ્મમાં એક ખતરનાક ડોન જેવા પાત્રમાં જોવા મળશે, જે ગુનાખોરીની અંધારી દુનિયાનો ભાગ છે. ફિલ્મની વાર્તામાં માત્ર ધમાકેદાર એક્શન જ નથી, પણ ઊંડા ઈમોશન્સ પણ છે. શાહરૂખ ખાનનું પાત્ર સુહાના ખાનને મુશ્કેલ પરિસ્થિતિઓમાંથી બહાર નીકળવા માટે માર્ગદર્શન (Guide) આપતા જોવા મળશે. આ ફિલ્મ 24 ડિસેમ્બર, 2026 ના રોજ ક્રિસમસના અવસરે સિનેમાઘરોમાં દસ્તક દેશે.
હવે બાળકો નહીં ચલાવી શકે Insta-WhatsApp: કર્ણાટક સરકારનો મોટો નિર્ણય
સૌરભ શુક્લાની તાજેતરની સફળતા
સૌરભ શુક્લા છેલ્લે 19 સપ્ટેમ્બર, 2025 ના રોજ રિલીઝ થયેલી ફિલ્મ ‘જોલી LLB 3’ માં જોવા મળ્યા હતા. જસ્ટિસ સુંદરલાલ ત્રિપાઠીના લોકપ્રિય પાત્રમાં તેમણે ફરી એકવાર લોકોના દિલ જીતી લીધા. અક્ષય કુમાર અને અરશદ વારસીની આ ફિલ્મે વિશ્વભરમાં અંદાજે ₹170.8 કરોડની કમાણી કરી હતી અને આ ફ્રેન્ચાઈઝીની સૌથી સફળ ફિલ્મ સાબિત થઈ હતી.
