ટી-20 ઇન્ટરનેશનલમાં લાંબા સમય સુધી સૌથી વધુ સિક્સર મારવાનો રેકોર્ડ ભારતના પૂર્વ કેપ્ટન રોહિત શર્માના નામે હતો. હવે આ મહાન રેકોર્ડ તૂટી ગયો છે. ઓસ્ટ્રિયાના કેપ્ટન કરણબીર સિંહે રોહિત શર્માને પાછળ છોડી દીધા છે.
કરણબીર સિંહે હંગેરી સામે રમાયેલી મેચમાં માત્ર 57 બોલમાં 164 રનની તોફાની ઇનિંગ રમી હતી. આ ઇનિંગ દરમિયાન તેમણે 12 સિક્સર ફટકારી હતી. આ સાથે જ તેઓ T20I માં સૌથી વધુ સિક્સર મારનારા બેટ્સમેન બની ગયા છે.
રોહિત શર્મા વર્સિસ કરણબીર સિંહ
રોહિત શર્માએ વર્ષ 2024 ના ટી-20 વર્લ્ડ કપ બાદ આ ફોર્મેટમાંથી નિવૃત્તિ લીધી હતી. તેમના નામે આંતરરાષ્ટ્રીય સ્તરે 205 સિક્સર નોંધાયેલી છે. બીજી તરફ, કરણબીર સિંહ હવે 207 સિક્સર સાથે નંબર-1 ની ખુરશી પર આવી ગયા છે.
માત્ર 60 મેચમાં કર્યો કરિશ્મા
-
રોહિત શર્મા: 159 મેચની 151 ઇનિંગ્સમાં 4,231 રન અને 205 સિક્સર.
-
કરણબીર સિંહ: માત્ર 60 મેચની 59 ઇનિંગ્સમાં 2,533 રન અને 207 સિક્સર.
કરણબીર સિંહનો ટી-20 માં એવરેજ 48.71 નો છે. તેઓ અત્યાર સુધીમાં 4 સદી અને 20 અડધી સદી ફટકારી ચૂક્યા છે.
T20I માં સૌથી વધુ સિક્સર મારનારા ટોપ-5 ખેલાડીઓ
ઓસ્ટ્રિયાએ બનાવ્યો બીજો સૌથી મોટો સ્કોર
હંગેરી સામેની આ મેચમાં ઓસ્ટ્રિયાની ટીમે પ્રથમ બેટિંગ કરતા 20 ઓવરમાં 7 વિકેટે 322 રન બનાવ્યા હતા. આ ટી-20 ઇન્ટરનેશનલ ક્રિકેટના ઇતિહાસનો બીજો સૌથી મોટો સ્કોર છે.
મેચમાં કેપ્ટન કરણબીર સિંહના 164 રન સિવાય, અબિદુલ્લા કોટવાલે પણ માત્ર 26 બોલમાં 93 રનની તોફાની ઇનિંગ રમી હતી. આ લિસ્ટમાં પ્રથમ નંબરે ઝિમ્બાબ્વે છે, જેણે વર્ષ 2024 માં ગેમ્બિયા સામે 344 રન બનાવ્યા હતા.
< /p>
