પશ્ચિમ બંગાળ વિધાનસભા ચૂંટણી પહેલા રાજકીય ગરમાવો વધી ગયો છે. આઝાદીના નાયક નેતાજી સુભાષચંદ્ર બોઝ ના વંશજ ચંદ્ર કુમાર બોઝે તૃણમૂલ કોંગ્રેસ (TMC)નો હાથ થામી લીધો છે. રવિવારે તેમણે સત્તાવાર રીતે પાર્ટીમાં પ્રવેશ કર્યો હતો.
ભાજપ છોડી મમતા બેનર્જી સાથે જોડાયા: બોઝ
ચંદ્ર કુમાર બોઝ અગાઉ ભારતીય જનતા પાર્ટી (BJP) સાથે જોડાયેલા હતા. જોકે, કેટલાક સમય પહેલા તેમણે ભાજપ સાથે છેડો ફાડ્યો હતો. હવે ચૂંટણીના ટાણે જ તેમણે મમતા બેનર્જીની પાર્ટીમાં જોડાવાનો નિર્ણય લેતા અનેક તર્ક-વિતર્ક શરૂ થયા છે.
શું થશે રાજકીય અસર?
નેતાજીના પરિવારમાંથી આવતા ચંદ્ર કુમાર બોઝનું બંગાળમાં મોટું નામ છે. તેમના TMCમાં આવવાથી પાર્ટીને ભાવનાત્મક અને રાજકીય રીતે ફાયદો થઈ શકે છે. સોશિયલ મીડિયા પર તેમના જોડાવાના વીડિયો પણ વાયરલ થઈ રહ્યા છે.
ચૂંટણી પહેલા TMC મજબૂત
પશ્ચિમ બંગાળમાં વિધાનસભા ચૂંટણીને લઈને રસાકસી જામી છે. આવા સમયે દિગ્ગજ નેતાઓના પક્ષાંતરથી ચૂંટણીના પરિણામો પર શું અસર પડશે, તે જોવું રસપ્રદ રહેશે.
