મુંબઈ: ભારતીય ક્રિકેટર હાર્દિક પંડ્યા (Hardik Pandya) ફરી એકવાર પોતાની પર્સનલ લાઈફને લઈને ચર્ચામાં આવ્યો છે. સોશિયલ મીડિયા પર હાર્દિક અને તેની ગર્લફ્રેન્ડ માહિકા શર્મા (Mahieka Sharma) ની કેટલીક નવી તસવીરો સામે આવ્યા બાદ બંનેએ ગુપચુપ લગ્ન કરી લીધા હોવાની અટકળો તેજ થઈ ગઈ છે.
વાયરલ તસવીરમાં દેખાયું સિંદૂર
આ અફવાઓ ત્યારે શરૂ થઈ જ્યારે હાર્દિક અને માહિકાની એક વડીલ મહિલા સાથેની તસવીર ઓનલાઈન સામે આવી. સોશિયલ મીડિયા યુઝર્સે નોટિસ કર્યું કે આ ફોટોમાં માહિકાના માથા પર સિંદૂર લગાવેલું હતું. આ સાથે જ તસવીરમાં દેખાતા વડીલ મહિલા બંનેનો હાથ પકડીને આશીર્વાદ આપતા હોય તેવું લાગી રહ્યું છે. આ જ કારણે નેટીઝન્સ માની રહ્યા છે કે બંનેએ કોઈ પ્રાઈવેટ સેરેમનીમાં લગ્ન કરી લીધા છે.
સપ્ટેમ્બર ૨૦૨૫ થી કરી રહ્યા છે ડેટ
હાર્દિક અને માહિકાના ડેટિંગની અફવાઓ સૌથી પહેલા સપ્ટેમ્બર ૨૦૨૫ માં સામે આવી હતી. જ્યારે ફેન્સે મોડલની ઇન્સ્ટાગ્રામ પોસ્ટમાં હાર્દિક પંડ્યાને જોયો હતો. ત્યારબાદ ઓક્ટોબર મહિનામાં બંનેએ સોશિયલ મીડિયા પર પોતાના રિલેશનશિપને ઓફિશિયલ કરી દીધું હતું. નતાશા સ્ટેનકોવિચથી અલગ થયાના બે વર્ષ બાદ હાર્દિક મોડલ માહિકા શર્માના પ્રેમમાં પડ્યો હતો.
સીક્રેટ મેરેજ કે માત્ર અફવા?
જોકે, આ વાયરલ તસવીરો અને લગ્નના દાવાઓ અંગે હજુ સુધી કોઈ સત્તાવાર પુષ્ટિ થઈ નથી. હાર્દિક પંડ્યા કે માહિકા શર્મા તરફથી આ બાબતે કોઈ ઓફિશિયલ નિવેદન આપવામાં આવ્યું નથી. આથી આ માત્ર એક અફવા છે કે સત્ય, તે અંગે હજુ સસ્પેન્સ બનેલું છે. તેમ છતાં ફેન્સ સોશિયલ મીડિયા પર આ કપલની તસવીરો ખૂબ શેર કરી રહ્યા છે.
