Post Office Scheme ; ભારતમાં રોકાણ કરીને કમાણી કરવા માટે ઘણા બધા વિકલ્પો ઉપલબ્ધ છે. જો તમે શેરબજાર કે મ્યુચ્યુઅલ ફંડમાં રોકાણ કરો છો તો ત્યાં વળતર સારું મળે છે, પરંતુ તેની સાથે નુકસાનનું જોખમ પણ રહેલું છે.
જો તમે કોઈપણ પ્રકારનું જોખમ લીધા વિના (Zero-Risk) દર મહિને ફિક્સ કમાણી કરવા માંગો છો, તો પોસ્ટ ઓફિસની એક શાનદાર સરકારી સ્કીમ તમારા માટે બેસ્ટ છે. આ સ્કીમમાં એકવાર રોકાણ કરીને તમે દર મહિને ઘરે બેઠા ₹9,250ની ગેરંટીડ આવક મેળવી શકો છો.
શું છે આ સરકારી સ્કીમ?
પોસ્ટ ઓફિસની આ પોપ્યુલર યોજનાનું નામ મંથલી ઇનકમ સ્કીમ (Post Office MIS) છે. આ સ્કીમ સંપૂર્ણપણે સુરક્ષિત છે અને તેમાં સરકાર તરફથી ગેરંટીડ વ્યાજ મળે છે.
-
વર્તમાન વ્યાજ દર: પોસ્ટ ઓફિસની આ સ્કીમ પર હાલમાં 7.4 ટકા વાર્ષિક વ્યાજ મળી રહ્યું છે.
-
રોકાણની મુદત: આ સ્કીમમાં તમારે માત્ર એક જ વાર (Lump Sum) રોકાણ કરવાનું હોય છે. ત્યારબાદ આગામી 5 વર્ષ સુધી દર મહિને તમારા બચત ખાતામાં વ્યાજના પૈસા જમા થતા રહે છે.
દર મહિને ₹9,250 મેળવવા કેટલું કરવું પડશે રોકાણ?
પોસ્ટ ઓફિસ મંથલી ઇનકમ સ્કીમ (MIS) હેઠળ તમે સિંગલ અથવા જોઈન્ટ એકાઉન્ટ ખોલાવી શકો છો:
-
સિંગલ એકાઉન્ટ: આ ખાતામાં તમે વધુમાં વધુ ₹9 લાખ સુધી જમા કરાવી શકો છો.
-
જોઈન્ટ એકાઉન્ટ: આ ખાતામાં પતિ-પત્ની અથવા પરિવારના સભ્યો મળીને વધુમાં વધુ ₹15 લાખ સુધીનું રોકાણ કરી શકે છે.
ગણિત સમજો: જો તમે જોઈન્ટ એકાઉન્ટ ખોલાવીને આ સ્કીમમાં ₹15 લાખનું મહત્તમ રોકાણ કરો છો, તો 7.4 ટકા વ્યાજ દર મુંજબ તમને દર મહિને ₹9,250 નું ફિક્સ વ્યાજ મળવાનું શરૂ થઈ જશે.
આ સ્કીમ 5 વર્ષમાં મેચ્યોર થાય છે. 5 વર્ષ પૂરા થયા બાદ તમે રોકેલા આખા ₹15 લાખ તમને પરત મળી જાય છે. એટલે કે તમારી મૂડી સુરક્ષિત રહે છે અને ઉપરથી દર મહિને ફિક્સ આવક પણ થાય છે.
