કાન્સ ફિલ્મ ફેસ્ટિવલ – વિશ્વના સૌથી પ્રતિષ્ઠિત સિનેમેટિક ઇવેન્ટ્સમાંનો એક – શરૂ થવાનો છે. ૧૨ મે થી ૨૩ મે, ૨૦૨૬ સુધી ચાલનારા આ ૭૯મા ફેસ્ટિવલમાં ભારતીય સિનેમાની તેજસ્વીતા ફરી એકવાર પ્રદર્શિત થશે. આ વર્ષે, ઘણી અનુભવી બોલીવુડ અભિનેત્રીઓ તેમની ભવ્યતા અને શૈલીથી કાન્સના રેડ કાર્પેટ પર ચમકવા માટે તૈયાર છે – એક એવી ઘટના જેણે ચાહકો અને ફિલ્મ જગતમાં ભારે ઉત્સાહ પેદા કર્યો છે. ત્રણ ગ્લેમરસ બોલીવુડ અભિનેત્રીઓ કાન્સ ૨૦૨૬માં ભારતનું પ્રતિનિધિત્વ કરવા માટે તૈયાર છે. તેમાંથી ઐશ્વર્યા રાય પણ છે, જેમણે ભૂતકાળમાં અનેક પ્રસંગોએ કાન્સના રેડ કાર્પેટ પર હાજરી આપી છે અને દર્શકોને મંત્રમુગ્ધ કર્યા છે.
મુખ્ય હાઈલાઈટ્સ:
-
79મો કાન્સ ફિલ્મ ફેસ્ટિવલ 12 મે થી 23 મે 2026 દરમિયાન યોજાશે.
-
બોલિવૂડની ત્રણ ટોપ અભિનેત્રીઓ ભારતનું પ્રતિનિધિત્વ કરશે.
-
ઐશ્વર્યા રાય ફરી એકવાર કાન્સના મંચ પર જોવા મળશે.
-
આલિયા ભટ્ટ અને અદિતિ રાવ હૈદરી પણ ગ્લોબલ એમ્બેસેડર તરીકે હાજરી આપશે.
રેડ કાર્પેટ પર ભારતીય સુંદરીઓનો જલવો
કાન્સ ફિલ્મ ફેસ્ટિવલ હંમેશા સિનેમા અને ફેશનના સંગમ માટે જાણીતો છે. આ વર્ષે ભારત માટે ગર્વની ક્ષણ છે કારણ કે ત્રણ દિગ્ગજ અભિનેત્રીઓ આ વૈશ્વિક મંચની શોભા વધારશે. ઐશ્વર્યા રાય બચ્ચન દાયકાઓથી કાન્સનો અનિવાર્ય ભાગ રહી છે અને આ વર્ષે પણ તે નવા લૂકમાં જોવા મળશે.
આલિયા ભટ્ટની બીજી એન્ટ્રી
ટેલેન્ટેડ અભિનેત્રી આલિયા ભટ્ટ બીજી વખત ‘લોરિયલ પેરિસ’ની ગ્લોબલ એમ્બેસેડર તરીકે કાન્સમાં પરત ફરી રહી છે. આલિયાએ જણાવ્યું કે, આ મંચ પર ફરીથી આવવું તેના માટે ગર્વની વાત છે. તે મહિલા સશક્તિકરણ અને સમાનતાના સંદેશ સાથે રેડ કાર્પેટ પર ઉતરશે.
અદિતિ રાવ હૈદરીનું પ્રતિનિધિત્વ
પોતાની સાદગી અને સુંદરતા માટે જાણીતી અદિતિ રાવ હૈદરી પણ આ વર્ષે કાન્સમાં જોવા મળશે. અદિતિના મતે, ખરી સુંદરતા આત્મવિશ્વાસમાં રહેલી છે. તે આ આંતરરાષ્ટ્રીય મંચ પર ભારતીય સિનેમા અને સંસ્કૃતિની ઝલક રજૂ કરશે.
