ઇન્ડિયન પ્રીમિયર લીગની 19મી સીઝનની 16મી લીગ મેચ 10 એપ્રિલના રોજ ગુવાહાટીના બારસાપારા ક્રિકેટ સ્ટેડિયમ ખાતે રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે રમાઈ હતી. આ મેચમાં પણ રાજસ્થાન રોયલ્સનો વિજય ક્રમ ચાલુ રહ્યો, 6 વિકેટથી એકતરફી વિજય મેળવ્યો અને સિઝનની ચોથી જીત મેળવી. રાજસ્થાન રોયલ્સની આરસીબી સામેની જીતમાં વૈભવ સૂર્યવંશી સૌથી મોટો હીરો રહ્યો, તેણે 78 રનની શાનદાર ઇનિંગ રમી. આ મેચ શરૂ થાય તે પહેલાં, વિરાટ કોહલીનો એક વીડિયો સામે આવ્યો હતો જે હવે સોશિયલ મીડિયા પર વાયરલ થઈ રહ્યો છે.
આઈપીએલ 2026માં રાજસ્થાન રોયલ્સ સામેની હાર છતાં રોયલ ચેલેન્જર્સ બેંગલુરુ (RCB) ના સ્ટાર બેટ્સમેન વિરાટ કોહલીનો એક વીડિયો સોશિયલ મીડિયા પર ધૂમ મચાવી રહ્યો છે. ગુવાહાટીમાં રમાયેલી આ મેચ પહેલા કોહલી મેદાન પર મસ્તીના મૂડમાં જોવા મળ્યો હતો અને તેણે ‘નાગિન ડાન્સ’ કરીને ફેન્સનું દિલ જીતી લીધું હતું.
કોહલીનો મસ્તીભર્યો અંદાજ
રાજસ્થાન રોયલ્સ સામેની મેચ શરૂ થતા પહેલા RCBની ટીમ મેદાન પર પ્રેક્ટિસ કરી રહી હતી. આ દરમિયાન વૉર્મઅપ કરતી વખતે વિરાટ કોહલી અચાનક નાગિન ડાન્સના સ્ટેપ્સ કરવા લાગ્યો હતો. કોહલીનો આ અંદાજ જોઈને સ્ટેડિયમમાં હાજર ફેન્સ પણ જોરજોરથી બૂમો પાડવા લાગ્યા હતા. આ વીડિયો હવે ઇન્ટરનેટ પર ઝડપથી વાયરલ થઈ રહ્યો છે. જોકે, મેચમાં કોહલી બેટથી ખાસ કમાલ ન કરી શક્યો અને માત્ર 32 રન બનાવીને આઉટ થયો હતો.
રાજસ્થાન રોયલ્સની ચોથી જીત
આ મેચમાં રાજસ્થાન રોયલ્સે RCB ને 6 વિકેટે હરાવીને આ સીઝનની પોતાની ચોથી જીત નોંધાવી છે. RCB એ પહેલા બેટિંગ કરતા 20 ઓવરમાં 201 રન બનાવ્યા હતા. રાજસ્થાન રોયલ્સે વૈભવ સૂર્યવંશી (78 રન) અને ધ્રુવ જુરેલની શાનદાર અડધી સદીની મદદથી આ લક્ષ્યાંક માત્ર 18 ઓવરમાં 4 વિકેટ ગુમાવીને હાંસલ કરી લીધો હતો. RCB હવે તેની આગામી મેચ 12 એપ્રિલે મુંબઈ ઈન્ડિયન્સ સામે વાનખેડે સ્ટેડિયમમાં રમશે.
Virat Kohli funny nagin dance.😂 pic.twitter.com/FfMebuq5Vy
— 𝐑𝐮𝐬𝐡𝐢𝐢𝐢⁴⁵ (@rushiii_12) April 10, 2026
