ઓસ્ટ્રેલિયાના દિગ્ગજ ઓપનર ડેવિડ વોર્નર ફરી એકવાર વિવાદમાં આવ્યા છે. આ વખતે મેદાન પર નહીં, પણ રસ્તા પર ટ્રાફિક નિયમોના ભંગ બદલ તેમની ધરપકડ કરવામાં આવી છે. વોર્નરે પોતે પોલીસ સામે સ્વીકાર્યું છે કે તેમણે કાર ચલાવતા પહેલા દારૂનું સેવન કર્યું હતું.
શું છે સમગ્ર ઘટના?
મીડિયા રિપોર્ટ અનુસાર, ઈસ્ટર સન્ડેના દિવસે વોર્નર સિડનીમાં એક મિત્ર સાથે હતા. વોર્નરે પોલીસને જણાવ્યું કે તેમણે મિત્ર સાથે 3 ગ્લાસ વાઈન પીધી હતી. ત્યારબાદ તેઓ પોતાની કાર લઈને ઘરે જવા નીકળ્યા હતા.
-
સિડનીના મારુબ્રા વિસ્તારમાં પોલીસે ચેકિંગ દરમિયાન તેમની કાર રોકી હતી.
-
બ્રેથ એનાલાઈઝર ટેસ્ટમાં વોર્નરનું આલ્કોહોલ લેવલ પોઝિટિવ આવ્યું.
-
તપાસમાં તેમનું બ્લડ આલ્કોહોલ લેવલ 0.104 નોંધાયું હતું, જે કાયદેસરની મર્યાદા કરતા બમણાથી પણ વધુ છે.
કરિયર અને બ્રાન્ડ વેલ્યુ પર ખતરો
ડેવિડ વોર્નર અત્યારે પાકિસ્તાન સુપર લીગ (PSL) 2026માં કરાચી કિંગ્સ તરફથી રમી રહ્યા છે. ટુર્નામેન્ટના બ્રેક દરમિયાન તેઓ ઓસ્ટ્રેલિયા પરત ફર્યા હતા ત્યારે આ ઘટના બની. જો કોર્ટ તેમને દોષિત જાહેર કરે તો:
-
તેમના અનેક કોમર્શિયલ કોન્ટ્રાક્ટ્સ રદ થઈ શકે છે.
-
આંતરરાષ્ટ્રીય ક્રિકેટમાંથી નિવૃત્તિ બાદ પણ તેમની પ્રોફેશનલ છબીને મોટું નુકસાન થઈ શકે છે.
-
તેમને ભારે દંડ અથવા ડ્રાઈવિંગ લાયસન્સ રદ થવા જેવી સજા થઈ શકે છે.
વોર્નરને હવે 7 મે ના રોજ સિડનીની લોકલ કોર્ટમાં હાજર થવા માટે આદેશ આપવામાં આવ્યો છે.
