વર્ષ ૨૦૦૬માં શ્રેયા ઘોષાલ અને ઉસ્તાદ સુલતાન ખાનનું આઈકોનિક ગીત ‘લેજા લેજા રે’ રિલીઝ થયું હતું. આ ગીતની વાર્તા અને તેમાં જોવા મળેલી સુંદર અભિનેત્રીએ કરોડો લોકોના દિલ જીતી લીધા હતા. ૨૦ વર્ષ બાદ હવે આ હસીના ગ્લેમર વર્લ્ડથી દૂર એક અલગ જ રસ્તો પસંદ કરી ચૂકી છે.
૧૭ વર્ષની ઉંમરે બની હતી સ્ટાર
આ ગીતમાં જે યુવતી જોવા મળી હતી તેનું નામ નીના સરકાર છે. જ્યારે આ ગીત શૂટ થયું ત્યારે નીનાની ઉંમર માત્ર ૧૭ વર્ષ હતી. બસ સ્ટોપ પર સ્કેચ બનાવતી અને વરસાદમાં ભીંજાતી તે છોકરીના પાત્રએ તેને આખા દેશમાં લોકપ્રિય બનાવી દીધી હતી. તેની સાથે એક્ટર વરુણ તુર્કી પણ લીડ રોલમાં હતો.
View this post on Instagram
બોલિવૂડ છોડીને હવે શું કરે છે નીના સરકાર?
ઘણા વર્ષો સુધી મોડેલિંગ કર્યા બાદ નીના સરકારે ગ્લેમર ઇન્ડસ્ટ્રીને અલવિદા કહી દીધું છે. અત્યારે તે મુંબઈ કે દિલ્હી નહીં પણ બેંગલુરુમાં સ્થાયી થઈ છે. તેની નવી કારકિર્દી વિશે જાણીને તમને નવાઈ લાગશે:
-
CEO અને બિઝનેસવુમન: નીના અત્યારે ‘Quillixir Content Solutions’ નામની કંપનીની CEO અને સહ-સ્થાપક છે.
-
કન્ટેન્ટ રાઈટર: તે એક સફળ કન્ટેન્ટ રાઈટર અને સ્ટ્રેટેજીસ્ટ તરીકે કામ કરે છે. તેણે ‘HealthifyMe’ જેવી મોટી કંપનીઓ સાથે પણ કામ કર્યું છે.
-
એનિમેલ લવર: નીનાને શ્વાન (Dogs) પ્રત્યે ખૂબ પ્રેમ છે અને તે રખડતા શ્વાનોની સંભાળ રાખે છે.
View this post on Instagram
ગ્લેમર વર્લ્ડથી કેમ રહી દૂર?
નીના સોશિયલ મીડિયા પર બહુ એક્ટિવ નથી, પરંતુ ક્યારેક પોતાની અપડેટ શેર કરતી રહે છે. તેણે એક પોસ્ટમાં જણાવ્યું હતું કે હવે તે ૮ કલાકની ઓફિસ જોબ કરે છે, જે એક્ટિંગની દુનિયાથી સાવ અલગ છે. તે પોતાની આ નવી અને શાંત લાઈફથી ખૂબ ખુશ છે. તે બોલિવૂડ એન્કર તરીકે પણ કામ કરી ચૂકી છે, પરંતુ હવે તેનું સંપૂર્ણ ધ્યાન તેના બિઝનેસ અને લેખન પર છે.
