વૈશ્વિક રાજકીય અસ્થિરતા અને ઇઝરાયેલ-ઈરાન યુદ્ધની અસર હવે બુલિયન માર્કેટ પર સ્પષ્ટપણે જોવા મળી રહી છે. શેરબજારમાં થયેલા મોટા ઘટાડા બાદ હવે સોના અને ચાંદીના ભાવમાં પણ મોટો કડાકો બોલાયો છે. છેલ્લા 24 કલાકમાં સોના અને ચાંદીના ભાવમાં તોતિંગ ઘટાડો નોંધાયો છે.
ઈન્ડિયા બુલિયન એન્ડ જ્વેલર્સ એસોસિએશન (IBJA) ના ડેટા મુજબ, સોના અને ચાંદીની કિંમતોમાં થયેલા ફેરફારની વિગતો નીચે મુજબ છે.
સોનાના ભાવમાં ગાબડું
13 માર્ચ 2026ના રોજ 10 ગ્રામ 24 કેરેટ સોનાના ભાવમાં 1,904 રૂપિયાનો ઘટાડો થયો છે.
-
આજનો ભાવ: રૂ. 1,58,555 (પ્રતિ 10 ગ્રામ)
-
ગઈકાલનો ભાવ: રૂ. 1.60 લાખથી વધુ હતો.
-
છેલ્લા 44 દિવસમાં સોનાના ભાવમાં અંદાજે 17,566 રૂપિયાનો ઘટાડો જોવા મળ્યો છે.
ચાંદીના ભાવમાં મોટો કડાકો
ચાંદીના ભાવ માં સોના કરતા પણ વધુ ઘટાડો જોવા મળ્યો છે. એક કિલો ચાંદીના ભાવમાં 7,813 રૂપિયાનો ઘટાડો થયો છે.
-
આજનો ભાવ: રૂ. 2,60,000 (પ્રતિ કિલો)
-
ગઈકાલનો ભાવ: રૂ. 2.68 લાખ પ્રતિ કિલો હતો.
-
29 જાન્યુઆરી 2025થી અત્યાર સુધીમાં ચાંદીમાં 1.26 લાખ રૂપિયાનો તોતિંગ ઘટાડો નોંધાયો છે.
ભારતના મુખ્ય શહેરોમાં સોનાના ભાવ (રૂપિયા/10 ગ્રામ)
શહેરો પ્રમાણે સોનાના ભાવ માં થોડો તફાવત જોવા મળે છે. જાણી લો તમારા શહેરનો ભાવ:
| શહેર | સોનાનો ભાવ (24 કેરેટ) |
| અમદાવાદ | રૂ. 1,61,290 |
| મુંબઈ | રૂ. 1,61,240 |
| દિલ્હી | રૂ. 1,61,390 |
| ચેન્નાઈ | રૂ. 1,62,560 |
| જયપુર | રૂ. 1,61,390 |
| લખનઉ | રૂ. 1,61,390 |
વર્ષ 2025માં સોના-ચાંદીનું પ્રદર્શન
વર્ષ 2025 રોકાણકારો માટે સોનેરી સાબિત થયું હતું. જોકે હાલમાં ઘટાડો છે, પરંતુ પાછલા વર્ષના આંકડા ચોંકાવનારા છે:
-
સોનું: વર્ષ 2025માં સોનાએ 75% રિટર્ન આપ્યું છે.
-
ચાંદી: ચાંદીએ વર્ષ 2025માં 167% નું જોરદાર રિટર્ન આપીને રોકાણકારોને માલામાલ કર્યા છે.
ઘટાડાનું મુખ્ય કારણ શું છે?
બજારના નિષ્ણાતોના મતે, અમેરિકા, ઇઝરાયેલ અને ઈરાન વચ્ચે વધી રહેલા યુદ્ધના કારણે રોકાણકારોમાં ડરનો માહોલ છે. આંતરરાષ્ટ્રીય સ્તરે ડોલરની મજબૂતી અને પ્રોફિટ બુકિંગને કારણે સોના-ચાંદીના ભાવમાં હાલમાં ઘટાડો જોવા મળી રહ્યો છે.
