સોના-ચાંદી પછી પ્લેટિનમ 18 વર્ષના રેકોર્ડ સ્તરે: આ વર્ષે 121% વધ્યો, 10gની કિંમત ₹61,513; ઓટોમોબાઈલ સેક્ટરમાં માગને કારણે તેજી

Gujarati NewsBusinessGlobal Platinum Price Hit 18 Year High; Investors Purchase Metal Hedge Weak Currencyમુંબઈ4 મિનિટ પેહલાકૉપી લિંકસોના-ચાંદીના ભાવ રેકોર્ડ સ્તરે પહોંચવાની સાથે પ્લેટિનમ પણ રોકાણકારોને જબરદસ્ત વળતર આપી રહ્યું છે. વૈશ્વિક બજારમાં ગુરુવારે પ્લેટિનમના ભાવ 18 વર્ષના ઉચ્ચતમ સ્તર 1,975 ડોલર પ્રતિ ઔંસ (1,78,227 રૂપિયા પ્રતિ 28.35 ગ્રામ) પર પહોંચી ગયા. રોકાણકારો નબળી પડતી કરન્સીથી સંભવિત નુકસાનથી બચાવ (હેજિંગ) માટે પ્લેટિનમમાં રોકાણ કરી રહ્યા છે.સોના-ચાંદી જરૂરિયાત કરતાં વધુ મોંઘા થવાથી આ થોડા સસ્તા વિકલ્પો દેખાઈ રહ્યા છે. 2025માં અત્યાર સુધી તેની કિંમત 121% વધી ચૂકી છે. આ વધારો સોનામાં 74% ઉછાળા કરતાં વધુ છે, જ્યારે ચાંદીમાં 132% વધારાની લગભગ નજીક છે.ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર ભારતમાં પ્લેટિનમની સરેરાશ કિંમત 61,513 રૂપિયા પ્રતિ 10 ગ્રામ થઈ ગઈ. 2024ના અંતમાં તે 27,560 રૂપિયા અને 2020ના અંતમાં 24,910 રૂપિયા હતી.હાઇડ્રોજન ઇકોનોમીથી વધી ઔદ્યોગિક માગપ્લેટિનમનો ઉપયોગ ઓટોમોબાઇલ સેક્ટરમાં પ્રદૂષણ ઘટાડતા કેટાલિટીક કન્વર્ટર્સમાં થાય છે.હવે ગ્રીન એનર્જી અને હાઇડ્રોજન ઇકોનોમીમાં તેના વધતા ઉપયોગે નવી માગ ઊભી કરી છે.કેમિકલ, રિફાઇનિંગ અને ઇલેક્ટ્રોનિક્સ સેક્ટરમાં પણ તેની જરૂરિયાત ઝડપથી વધી રહી છે.ઔદ્યોગિક માગ વધવાથી તેની કિંમતોને સતત ટેકો મળી રહ્યો છે.રશિયા અને દક્ષિણ આફ્રિકાથી પુરવઠો ઘટ્યોવિશ્વભરમાં પ્લેટિનમનો 70-75% પુરવઠો દક્ષિણ આફ્રિકામાંથી આવે છે, જ્યાં ઘણી ખાણોમાં ઉત્પાદન ઘટ્યું છે.રશિયા અને યુક્રેન વચ્ચે ચાલી રહેલા ભૌગોલિક-રાજકીય તણાવે પણ સપ્લાય ચેઇનને અસર કરી છે.વર્લ્ડ પ્લેટિનમ ઇન્વેસ્ટમેન્ટ કાઉન્સિલને આ વર્ષે 69,200 ઔંસનો પુરવઠો ઘટવાનો અંદાજ છે.માર્ચ 2026 સુધીમાં 12-15% સુધીનો ઉછાળો આવવાની શક્યતાકેડિયા એડવાઇઝરીના ડિરેક્ટર અજય કેડિયાના મતે, રોકાણના મામલે આ વર્ષે પ્લેટિનમે સોનાને પાછળ છોડી દીધું છે. અમેરિકામાં આર્થિક અને નીતિગત અનિશ્ચિતતાને કારણે લોકો રોકાણના નવા રસ્તા શોધી રહ્યા છે.પ્લેટિનમ ડોલર-સોનાની સરખામણીમાં સારો વિકલ્પ છે. સોનાની તુલનામાં તેનો ગુણોત્તર સુધરી રહ્યો છે. તેનાથી લાંબા ગાળે ઉછાળો આવવાની શક્યતા છે. માર્ચ 2026 સુધીમાં પ્લેટિનમમાં 12-15% સુધીનો ઉછાળો આવી શકે છે.હવે સોના-ચાંદીના ભાવ પણ જાણી લો…હવે જાણો ચાંદી સંબંધિત કેટલાક જરૂરી પ્રશ્નોના જવાબો…પ્રશ્ન 1: આવનારા દિવસોમાં ચાંદી કેટલી વધુ મોંઘી થઈ શકે છે?જવાબ: કેડિયા એડવાઇઝરીના ડિરેક્ટર અજય કેડિયા કહે છે કે ચાંદીની માગમાં હજુ તેજી છે જે આગળ પણ જળવાઈ રહેવાનો અંદાજ છે.આવી સ્થિતિમાં ચાંદી આગામી 1 વર્ષમાં 2.50 લાખ સુધી જઈ શકે છે. જ્યારે આ વર્ષના અંત સુધીમાં ચાંદીની કિંમત 2.10 લાખ રૂપિયા પ્રતિ કિલો પહોંચી શકે છે.પ્રશ્ન 2 : ઊંચા ભાવે જ્વેલરી ખરીદવી કેટલી ફાયદાકારક કે નુકસાનકારક છે?જવાબ: હા, જો તમારો ચાંદીની જ્વેલરી ખરીદવાનો પ્લાન હોય, તો ખરીદી શકો છો. આવનારા દિવસોમાં ચાંદીની કિંમત વધવાથી તે વધુ મોંઘી થઈ શકે છે.પ્રશ્ન 3: સામાન્ય રોકાણકાર હાલમાં ચાંદીમાં કેવી રીતે રોકાણ કરી શકે છે?જવાબ: ચાંદીમાં સિલ્વર ETF દ્વારા રોકાણ કરી શકાય છે, પરંતુ એકસાથે રોકાણ કરવાને બદલે દર મહિને SIP દ્વારા રોકાણ કરવું યોગ્ય રહેશે. આ ઉપરાંત, ચાંદીના સિક્કા પણ ખરીદી શકાય છે.