સંસદ સત્ર બાદ પક્ષ-વિપક્ષની ‘ચાય પે ચર્ચા’: PM મોદી, પ્રિયંકા ગાંધી, રાજનાથ હાજર રહ્યા, G-RAM-G બિલના વિરોધમાં TMCએ સંસદમાં આખી રાત ધરણા કર્યા

04:52 AM19 ડિસેમ્બર 2025કૉપી લિંકસંસદમાં છેલ્લા 14 દિવસની કાર્યવાહી…1 ડિસેમ્બર- નાણામંત્રીએ ૩ બિલ રજૂ કર્યા, મણિપુર GST બિલ પાસસંસદના શિયાળુ સત્રના પહેલા દિવસે નાણા મંત્રી નિર્મલા સીતારમણે લોકસભામાં ત્રણ બિલ રજૂ કર્યા, જેમાંથી મણિપુર ગુડ્સ એન્ડ સર્વિસ ટેક્સ બિલ (બીજો સુધારો) વિધેયક, 2025 બિલ પસાર થયું. આ ઉપરાંત તેમણે કેન્દ્રીય ઉત્પાદન શુલ્ક (સુધારો) વિધેયક, 2025 અને સ્વાસ્થ્ય સુરક્ષા અને રાષ્ટ્રીય સુરક્ષા સેસ વિધેયક, 2025 પણ લોકસભામાં રજૂ કર્યા હતા.2 ડિસેમ્બર- સરકારે SIR પર ચર્ચા માટે મક્કમ વિપક્ષને મનાવ્યોચૂંટણી સુધારા એટલે કે SIR પર લોકસભામાં 9 ડિસેમ્બરે ચર્ચા થઈ. સંસદમાં બે દિવસથી તાત્કાલિક ચર્ચા માટે અડગ વિપક્ષ ચર્ચા માટે સહમત થયો હતો. મંગળવારે લોકસભા સ્પીકર ઓમ બિરલા સાથે મુલાકાત કર્યા બાદ કોંગ્રેસ નેતા કે. સુરેશે જણાવ્યું કે – 9 ડિસેમ્બરે ઇલેક્ટોરલ રિફોર્મ્સ એટલે કે ચૂંટણી સુધારાઓ પર 10 કલાક ચર્ચા થશે. સાથે જ તેમણે કહ્યું કે – 8 ડિસેમ્બરે વંદે માતરમ્ પર ચર્ચા થઈ. તેના માટે પણ 10 કલાકનો સમય નક્કી કરવામાં આવ્યો છે.3 ડિસેમ્બર- PM મોદી બંગાળના ભાજપ સાંસદોને મળ્યા, કહ્યું- વિધાનસભા ચૂંટણી જીતવાની છેસંસદના શિયાળુ સત્રના ત્રીજા દિવસે વડાપ્રધાન નરેન્દ્ર મોદીએ સવારે 11 વાગ્યે બંને ગૃહોની કાર્યવાહી પહેલાં સંસદ પરિસરમાં પશ્ચિમ બંગાળના ભાજપના સાંસદો સાથે મુલાકાત કરી. તેમણે સાંસદોને કહ્યું કે રાજ્યની વર્તમાન પરિસ્થિતિ અંગે જનતા સાથે વાતચીત કરવાની જરૂર છે. PMએ કહ્યું- જમીની સ્તરે જે કંઈ થઈ રહ્યું છે, તેનો સખત વિરોધ કરવો જોઈએ.4 ડિસેમ્બર- રાહુલ બોલ્યા હતા- સરકાર વિદેશી મહેમાનોને મળવા દેતી નથીકોંગ્રેસ નેતા રાહુલ ગાંધીએ સંસદ સત્રના ચોથા દિવસે આરોપ લગાવ્યો કે સરકાર, વિદેશથી આવતા ટોચના નેતાઓ (ડિગ્નિટરીઝ)ને મળવા દેતી નથી. તેમને કહે છે કે તેઓ લોકસભામાં વિરોધ પક્ષના નેતા (LoP)ને ન મળે. આનું કારણ સરકારની અસુરક્ષા છે.5 ડિસેમ્બર- DMK સાંસદે હાઈકોર્ટના જજને ‘RSS જજ’ કહ્યાસંસદના શિયાળુ સત્ર દરમિયાન લોકસભામાં 5 ડિસેમ્બરે તમિલનાડુના DMK સાંસદ ટીઆર બાલુ અને કેન્દ્રીય મંત્રી કિરણ રિજિજુ વચ્ચે ઉગ્ર દલીલ થઈ. DMK સાંસદે એક મુદ્દા પર બોલતા એક હાઈકોર્ટના જજને ‘RSS જજ’ કહી દીધા. રિજિજુએ આના પર તરત જ વાંધો ઉઠાવ્યો.8 ડિસેમ્બર- લોકસભામાં વંદેમાતરમના 150 વર્ષ પૂર્ણ થવા પર ચર્ચાસંસદના શિયાળુ સત્રના છઠ્ઠા દિવસે સોમવારે લોકસભામાં વંદેમાતરમના 150 વર્ષ પૂર્ણ થવા પર ચર્ચા કરવામાં આવી. તેની શરૂઆત વડાપ્રધાન મોદીએ કરી. આ દરમિયાન તેમણે વંદે ભારતનાં 4 ખંડ હટાવવા બદલ કોંગ્રેસ પર નિશાન સાધ્યું. તેમણે કહ્યું કે મુસ્લિમ લીગના ડરથી કોંગ્રેસે વંદે ભારતનું અપમાન કર્યું.9 ડિસેમ્બર- લોકસભામાં SIR પર, રાજ્યસભામાં વંદે માતરમ્ પર ચર્ચામંગળવારે લોકસભામાં ચૂંટણી સુધારા પર ચર્ચા થઈ. આ દરમિયાન કોંગ્રેસ તરફથી રાહુલ ગાંધીએ ભાગ લીધો અને આરોપ લગાવ્યો કે ભાજપ અને ચૂંટણી પંચ મળીને વોટ ચોરી કરી રહ્યા છે. અહીં રાજ્યસભામાં વંદે માતરમ્ પર ચર્ચા થઈ. શાહે આરોપ લગાવ્યો કે ગાંધી પરિવારે હંમેશા વંદે માતરમનું અપમાન કર્યું છે.10 ડિસેમ્બર- રાહુલનો શાહને ડિબેટનો પડકારકેન્દ્રીય ગૃહમંત્રી અમિત શાહે બુધવારે લોકસભામાં ચૂંટણી સુધારા પરની ચર્ચાનો જવાબ આપ્યો. પોતાના ભાષણની શરૂઆતમાં કહ્યું કે ચૂંટણી સુધારા પરની ચર્ચાથી ભાજપના લોકો ભાગતા નથી. આના પર સદનમાં વિપક્ષના નેતા રાહુલ ગાંધી પોતાની સીટ પરથી ઊભા થયા અને શાહને કહ્યું કે હું SIR પર મારી પ્રેસ કોન્ફરન્સ પર ડિબેટ માટે તમને ચેલેન્જ કરું છું. આ દરમિયાન બંને વચ્ચે ઉગ્ર દલીલ પણ થઈ.11 ડિસેમ્બર- અનુરાગ ઠાકુરે કહ્યું- TMC સાંસદ સદનમાં ઈ-સિગારેટ પી રહ્યા છે, સૌગત રોયે કહ્યું- અમે પી શકીએ છીએગુરુવારે સંસદમાં લોકસભા ગૃહમાં ઈ-સિગારેટ પીવાનો વિવાદ ચર્ચામાં રહ્યો. ભાજપના સાંસદ અનુરાગ ઠાકુરે સ્પીકર ઓમ બિરલાને ફરિયાદ કરતા કહ્યું કે- TMC સાંસદ ગૃહમાં ઈ-સિગારેટ પી રહ્યા છે. આના પર સ્પીકરે કહ્યું કે કાર્યવાહી કરવામાં આવશે.12 ડિસેમ્બર- રાહુલે સરકારને પ્રદૂષણ રોકવા માટે પ્લાન બનાવવાનું કહ્યુંકોંગ્રેસ સાંસદ અને વિરોધ પક્ષના નેતા રાહુલ ગાંધીએ શુક્રવારે લોકસભામાં વાયુ પ્રદૂષણનો મુદ્દો ઉઠાવ્યો. તેમણે કહ્યું, ‘આપણા દેશના મોટાભાગના મોટા શહેરો ઝેરી હવાના સકંજામાં છે. લાખો બાળકો ફેફસાંની બીમારીઓથી પીડાઈ રહ્યા છે. લોકો કેન્સરથી પીડાઈ રહ્યા છે.’ તેના જવાબમાં સંસદીય કાર્ય મંત્રી કિરણ રિજિજુએ કહ્યું કે અમે ચર્ચા માટે તૈયાર છીએ.15 ડિસેમ્બર- ‘મોદી તેરી કબર ખુદેગી’ નારાને લઈને સંસદમાં હોબાળોસંસદના શિયાળુ સત્રના 11મા દિવસે બંને ગૃહોમાં ભાજપના સાંસદોએ કોંગ્રેસની રેલીમાં PM મોદી વિરુદ્ધ સૂત્રોચ્ચારનો મુદ્દો ઉઠાવ્યો. રાજ્યસભામાં કેન્દ્રીય મંત્રી જે.પી. નડ્ડાએ કહ્યું- પીએમ વિરુદ્ધ આવી વાતો કરવી, તેમના મૃત્યુની કામના કરવી શરમજનક છે.16 ડિસેમ્બર- લોકસભામાં ‘VB-જી રામ જી’ બિલ રજૂ, થરૂરે કહ્યું- રામનું નામ બદનામ ન કરોલોકસભામાં 12મા દિવસે કેન્દ્રીય કૃષિ મંત્રી શિવરાજ સિંહ ચૌહાણે ‘વિકસિત ભારત-ગેરંટી ફોર રોજગાર એન્ડ આજીવિકા મિશન (ગ્રામીણ) (VB-જી રામ જી) બિલ, 2025’ રજૂ કર્યું. ત્યારબાદ સદનમાં હોબાળો શરૂ થઈ ગયો. કોંગ્રેસ સાંસદ પ્રિયંકા ગાંધીએ કહ્યું કે અમે આ બિલનો વિરોધ કરીએ છીએ.17 ડિસેમ્બર – ટીએમસી સાંસદ મહુઆ મોઇત્રાએ કહ્યું– મનરેગાનું નામ બદલવું એ મહાત્મા ગાંધીનું અપમાન છે.બુધવારે લોકસભામાં જી-રામ-જી બિલ પર ચર્ચા કરતી વખતે ટીએમસી સાંસદ મહુઆ મોઇત્રાએ કહ્યું કે મનરેગા યોજનાનું નામ બદલીને, આ બિલ મહાત્મા ગાંધીના રામ રાજ્યના વિચારને ખતમ કરી રહ્યું છે. આ બિલ દર્શાવે છે કે સરકાર “ન તો કોઈને ટેકો, ન કોઈને વિકાસ, ન રહીમના કે ન રામના” માં માને છે.18 ડિસેમ્બર- લોકસભામાં VB–G RAM G બિલ પસાર થયું અને રાજ્યસભામાં પરમાણુ ઊર્જા સંબંધિત બિલ પાસગુરુવારે લોકસભામાં કૃષિ મંત્રી શિવરાજ સિંહ ચૌહાણે વિકસિત ભારત ગેરંટી ફોર એમ્પ્લોયમેન્ટ એન્ડ આજીવિકા મિશન (ગ્રામીણ) બિલ VB-G Ram G પર પ્રતિક્રિયા આપી. વિપક્ષના હોબાળા વચ્ચે આ બિલ ધ્વનિ મતથી પસાર થયું. આ દરમિયાન, રાજ્યસભામાં ધ્વનિ મતદાન દ્વારા સસ્ટેનેબલ હાર્નેસિંગ એન્ડ એડવાન્સમેન્ટ ઓફ ન્યુક્લિયર એનર્જી ફોર ટ્રાન્સફોર્મિંગ ઈન્ડિયા (SHANTI) બિલ પસાર કરવામાં આવ્યું.