બોલિવૂડ એક્ટ્રેસ શ્રદ્ધા કપૂરના ફેન્સ માટે એક મોટા સમાચાર સામે આવ્યા છે. શ્રદ્ધા કપૂરની આગામી બહુચર્ચિત ફિલ્મ ‘ઈઠા’ (Eetha) ની રિલીઝ ડેટ આગળ ધકેલી દેવામાં આવી છે. આ ફિલ્મ ચાલુ મહિને થિયેટરોમાં રિલીઝ થવાની હતી, પરંતુ હવે તેને ડિસેમ્બર સુધી પાછી ઠેલવવામાં આવી છે.
યશની ‘ટોક્સિક’ થી બચવા લીધો નિર્ણય
ફિલ્મની રિલીઝ ડેટ પાછી ઠેલવા પાછળનું મુખ્ય કારણ દક્ષિણ ભારતીય સિનેમાના સુપરસ્ટાર યશ (Yash) ની આગામી મોટો બજેટ ધરાવતી ફિલ્મ ‘ટોક્સિક’ (Toxic) હોવાનું કહેવાય છે. મેકર્સ ‘ટોક્સિક’ સાથે બોક્સ ઓફિસ પર સીધી ટક્કર (Clash) ટાળવા માગતા હતા, જેથી ફિલ્મની કમાણી પર કોઈ નકારાત્મક અસર ન પડે.
હવે ડિસેમ્બરમાં પ્રભાસની ફિલ્મ ‘ફૌજી’ સાથે થશે ટક્કર
‘ટોક્સિક’ થી બચવા માટે મેકર્સે રિલીઝ ડેટ તો બદલી નાખી છે, પરંતુ ડિસેમ્બરમાં પણ આ ફિલ્મ માટે રસ્તો સરળ નથી! હવે શ્રદ્ધા કપૂરની ‘ઈઠા’ બોક્સ ઓફિસ પર સાઉથના સુપરસ્ટાર પ્રભાસની આગામી મોટો બજેટની ફિલ્મ ‘ફૌજી’ (Fauzi) સાથે ટકરાશે.
આમ, એક સુપરસ્ટાર (યશ) થી બચવાના ચક્કરમાં શ્રદ્ધા કપૂરની ફિલ્મ હવે બીજા મોટા ગ્લોબલ સ્ટાર (પ્રભાસ) સાથે ટકરાવા જઈ રહી છે, જેને લઈને સિનેમાપ્રેમીઓ અને બોક્સ ઓફિસ ટ્રેકર્સમાં ભારે ઉત્સુકતા જોવા મળી રહી છે.
